Accessibility links

якшәмбе, 4 декабрь 2016, Казан вакыты 11:16

“Tatarlar” cinayatçel törkeme başlığı totıldı


Bügenge köndä 10 meñ sum aqçamı ul. Älbättä kemder anı aylar buyı eşläp ala, ä ikençelärneñ ul xezmät xaqınıñ ber öleşe genä bulırğa mömkin. Läkin keşe öçen iñ qäderle närsä bulğan irekne dä, şuşı 10 meñ aqçağa ğına da satıp alıp bula ikän. Äle 2005 yılnıñ 20 aprelendä Tübän Qamanıñ berniçä xoquq saqçısı şuşı külämdäge aqçağa aldanıp, Tatarstannı şaw-gör kitergän Tatarlar ginayätçel törkemneñ başlığın Zölfät Söläymanovqa üzläre ük qaçırğa mömkinlek birä. Waqiğa bolayraq bula. Törkem başlığı Tübän qamanıñ eçke eşlär idaräse izolyatorı citäkçese belän tağın ber xoquq saqçısın, yal itergä dip üzeneñ kottedjına çaqıra. Töne buyı däwam itkän qızu bäyrämnän soñ, militsiä xezmätkärläre uyenda cinayätçe qayğısı bulmıy. Şulay 2003 yılda avtoritet bik zur awırlıq belän totılsa da, qaçuı ansat bula. Älbättä bu xäldän soñ älege xoquq saqçıları cawaplılıqqa, 5 yıl törmä cäzasına tartıla. Qayber mäğlümatlarğa qarağanda, törkem başlığı ul waqıttan birle Permdä qaçıp yatqan. Bu xaqta uzğan atnada NTV kanalı söyläde. Anda härdaim efirğa çığıp bara torğan “Osobo opasen” tapşıruınıñ çirattağısı “Tatarlar” ginayätçel törkemgä bağışlanğan ide. Permlelär cinayätçene kürdek dip, militsiägä xäbär itkännän soñ, Suleymanov operativ xezmätkärlär tarafınnan totıla. Bügenge köndä Tatarstan yuğarı mäklämäsendä cinayätçegä cäza östennän eş däwam itä.

İnde ozaq itterep kenä cinayät dönyasında “Tatarlar” turında söylägännän soñ, çirat “Quyanlılarğa” da citte. Tatarstanda, menä mondıy törkem dä bar ikän. Häm şuşı könnärdä respublikanıñ yuğarı mäkkämçäsendä älege törkemneñ 13 äğzasına cäza bilgele buldı. “Tatarlar”, “Taqtaşlılar” Tahircannar” dan soñ, millilekne çitkäräk quyıp, quyanğa küçelde. Bu törkemneñ isemendä milli tösmer yuq yuğın, ämma monısında tatarça yañğırıy bit. Ni öçen quyan,çönki törkem başlığı – 37 yäşlek İğor Zaysev. İnde üzäk basmalardan bulğan “Kommersant” gäcite dä “kuyanovskie” dip yazıp çıqqan ikän, dimäk zayasqa qarağanda tatar quyanı şäbräk yañğırıy küräsen. Älege ginayätçel törkem Nurlatta eş itkän. Alarnı banditçıylıykta, keşe urlawda, üterüdä häm başqa cinayätlärdä ğaeplägännär ide. Ayırım alğanda, quyançılar Nurlattağı kibetlärne, maşina tözätü üzäklären, marşrut taksiların kontrol’dä totqannar. Ğaeplәiüçelärneñ maşinalarına xätta, militsiä maşinalarına ğına quyıla torğan maxsus zäñgär töstäge nomerlar urnaştırılğan. Mäkkämä cinayätçelärneñ liderı İğor Zaysevqa 20 yılğa törmä cäzası birergä digän qarar çığardı. Törkemneñ başqa äğzaların isä 10-17 yılğa irekleklärennän mäxrüm ittelär.

Ğaeplänüçelärneñ advokatları isä, bu qarar belän kileşmiçä, Rusiäneñ yuğarı mäkkamäsenä däğwä beldermäkçe bula. Tikşerü eşlärendä “Quyanlılar” şaqtıy cinayät eşlärendä qatnaşqan dip sanala. Bolay bulğaç Nurlatınıñ üzendä laranı işetep kenä bulsa da belergä tieşlär. Ämma küpçelek Nurlatulılar bu törkemne belmibez,işetkänebez dä yuq diep beldergän. Şunı äytergä kiräk bu fikergä mäkkämä ällä ni zur iğtibar birmägän.

Tatarstanda könnän-kön, bersennän-berse säyerrä isemle cinayätçe törkemnär açılıp cäzağa tartıla tora. Şulay itep Tatarstan xoquq saqçılarınıñ äybät eşläwe qayberäwlärdä respublikada cinayätçelek däräcäse yuğarı digän tä'sir qaldıra.

Ğädel Galämetdinov.

XS
SM
MD
LG