Accessibility links

якшәмбе, 11 декабрь 2016, Казан вакыты 07:20

Çirkäwlär bayıp kitmäsme?


Çirkäwlärgä milek - mal-mölkät bireläçäk. Şul nisbättän Rusiä premyer-ministrınıñ berençe urınbasarı Dmitriy Medvedev citäkçelegendäge Xökümät komissiäse konsepsiä buldırdı häm aprel'gä qanun proektın äzerlärgä quştı - Rusiäneñ iqtisad üseşe ministrlığına. Bilgele ki, çirkäwlärgä irek birügä alar milek belän teläsä niçek qullana alaçaq. Barısı da üz ixtıarlarında.

Çirkäwlärgä bötenläygä üz binaları, tirälektäge cirläre häm alarğa qarağan başqa oyışmalar, mäsälän dini mäktäpläre birelergä mömkin. Barı monıñ öçen Rusiä milek idäräsenä bu çınnan da alarğa qarağan mal ikänen genä isbat itkän ğariza tapşıru zarur. Bügenge köndä Rusiädä 200дән artıq irlärneke häm şul uq xätle xatın-qızlar monastıyre, şulay uq 12 meñnän artıq pravoslaw gıybadätxanäläre terkälgän. Ägär alarğa mölkät birü turındağı qanun qabul itelä, härqaysı monnan faydalanu yağın qarayaçaq. Qayber belgeçlär fikerençä, çirkäwlär basımı astında, gıybadätxanälärgä şaqtıy milek birelergä mömkin häm alar “Gazprom”, “Rusiä timer yulları” kebek öre Rusiä şirqat'läre rätendä bulaçaqlar. Çınnan da Mäskäwdä 1 gektar cirneñ bäyäse 6-7 million dollar torğannı iskä alsañ, çirkäwlärneñ bayıp kitüen köt tä tor. Üzem xuca-närsä telim, şunı eşlim başlanaçaq. Qazan yeparxiäse idäräse särqatibe:

Bu uñay küreneş bulaçaq, çönki tarixi döreslek qaytaçaq – elek bolarnıñ barısı da çirkäw mölkäte bulıp tordı. Bu qanun çirkäwlärgä irken sularğa mömkinlek biräçäk. Sinnän monı inde berkem tartıp ala almayaçaqta ışanıç tuaçaq. Çönki qayber binalarnı waqıtlıça tüläwgä birep toralar. Ägär çirkäw binaları qaytarılsa, bu inde niçekter kiläçäkkä ömet uyata.

Qazan yeparxiäse idäräse särqatibe, çirkäwlärgä üz mölkätläre qaytarılsa bez anı aqça eşläw yunäleşendä qullanmayaçaqbız dip belderde.

Rusiäneñ iqtisad üseşe ministrlığı qazna aqçasın çirkäwlär çığımnarına totası kilmi. İmeş mölkätne alar qaramağına birü dä çirkäwlär däwlättän aqça soramasın öçen ikän.

Tatarstannıñ “Bolğar” mäçete imamı İldus xäzrät Fäiz:

Mäsälän, Yäşel Üzändä Raifa monastıyre bar. Dimäk aña qarağan cirlär häm urmannar da anıñ şäxsi mölkäte bulırğa mömkin dip añlarğa bula. Läkin mäçetlärneñ dä alınmağan cirläre dä şaqtıy. Alar da qaytarılır dip ışananam, çönki waqif digän äyber bar. Monıñ öçen möftilär Şurası da bergäläşep eşläsennär ide.

İldus xäzrät Fäiz äytüençä, xristian dinen säyäsi däräcädä kütärü bara. Läkin aqça eşläw belän xäzer Rusiä qanunı bozmıyça ğına här dini oyışma da şöğellänä ala di. Çönki ul çirkäwlärneñ mäçetlärneñ Ustavında bilgelängän.

Landış Xarrasova

XS
SM
MD
LG