Accessibility links

якшәмбе, 4 декабрь 2016, Казан вакыты 02:58

Qazan çit il investitsiäläre öçen köräşä


Şuşı könnärdä Frantsiäneñ Kaan şähärendä milek ölkäsendäge investitsia proektları kürgäzmäse “MİPİM 2007” açıldı. Rusiäneñ 40 yaqın töbäge belän bergä anda Tatarstan isemennän Qazan şähäre dä qatnaşa. Bar Rusiä stendınnan çittäräk, Krasnodar ölkäse belän Qazan şähäre ayırım zur kürgäzmä oyıştırğan. Soçi, 2014 qışqı olimpiadağa äzerlek eşlären kürsätsä, Qazan wäkilläre, investorlarnı iske tatar bistäse, Zilant-City, barlığı 12 proekt belän cälep itärgä teli. Qazan bıylğı MİPİM kürgzämäsenä 72$ million dollarlıq proekt alıp barğan. “Kommersant” gäziteneñ Tatarstan quşımtası :“bu Rusiä qalası, Rusiä stendınnan ayrım üzeneñ kürgäzmäsen oyıştırıp, dönya kapitalınıñ iğtibarın cälep itü häm Mäskäw belän Piterburdan investitsiälärne üzenä tartu maqsatın quya” dip yazdı. Kaandağı kürgäzmädä Tatarstan iqtisad ministrı Boris Pavlov häm Qazan şähär başlığı İlsur Metşinnıñ citäkçelegendäge wäkillek eşli. İlsur Metşin bügen iske tatar bistäse proektın yasağan Barselona baş arxitektorı Xose Asebilyo belän oçraştı. Qazan şähär başlığı süzçese äytüenä qarağanda, iske tatar bistäse proyektı kürgäzmädä şaqtıy qızıqsınu uyatqan. Qazansu yılğası yarlarında urnaşırğa tieşle Millenium-Zilant-City kebek zur proekt ta kürgäzmädä qantaşuçı xalıqara proektlaw buroların cälep itkän. Qazan şähär başlığı süzçese Yulia Vasileyva bolay dide: Bu poektlar belän qısızsınu zur, itkän yıldan birle Zilant-City proektın tormışqa aşıru belän tanılğan Holland arxitektorı şögellänä, bıyıl, Zilant- City xalıqara proektlaw burolarınıñ iğtibarın cälep itte. Qazan şähär başlığı şundyı buronıñ berse belän bügen oçraşırğa tieş. Tanılğan arxitektolarnı häm xalıqara däräcädä eşläwçe proektlaw buroların cälep itep Qazan citäkçelege zur investorlarnıñ ışanıçın yawlarğa teli. Ütkän yılda Kaanda şundyı uq kürgäzmädän söñ, Zilant-City proektı belän qızısınıp, Holland arxitektorı Qazanğa kilgän ide. Kaanda täqdim itelgän iske tatar bistäse proyektı, Barselona arxitketorı Xose Asebilyo iseme belän bäyle häm ul anı üze täqdim itä. Ütkän yılda da, Kaandağı MİPİM kürgäzmäsendä qatnaşqan Qazan şähär başlığı süzçese Yulia Vasilyevanıñ äytüenä qarağanda, aqçalar öçen köräş Rusiä töbäkläre arasında arta bara. Rusiä töbäkläreneñ İnvestorlar öçen köräşe köçäyä. Barlıq töbäklär üzlären yaxşı kürsätä. Bigräktä, Krasnodarnıñ kürgäzmäse köçle. Qazan, Mäskäw häm Piterburdan qala, kürgäzmädä ayrım şähärne wäkillek ikän berdänber qala. Bu bezneñ “Qazan Rusiäneñ öçençe başqalası” digän şiğarne dä raslıy. Krasnodar belän Qazan stendları qara qarşı urnaşqan häm kürgäzmädä qatnaşuçılarnıñ äytüenä qarağanda, kürgäzmädä iñ qızıqlı kürgäzmälär bulıp tora. Qazan wäkilläre üzläre belän ber törkem çibär qızlar da alıp barğan. Alarnıñ maqsatı 3 meñ roza çäçäge belän Qazan kürgäzmäsenä çaqıru käğäzen taratu ide. Anda bulğan Tatarstan wäkilläre äytünçä, MİPİM üzägendä küp kenä keşe roza çäçägen kütärep yörgän.

XS
SM
MD
LG