Accessibility links

шимбә, 3 декабрь 2016, Казан вакыты 01:38

Bushnıñ Könyaq Latin illärenä säfäre uñışlı buldımı?


Quşma Ştatlar Prezidenti George W Bush, ütkän atna Könyaq Amarikanıñ 5 ilendä, Braziliä, Uruguay, Kolombiä, Guatemala häm Meksikada bulıp qayttı. Bu säfär tänqiytçilärgä, Bushnı imenlek eşläre belän küpkä mawığıp kitüdä häm AQŞnıñ kürşe illäre belän mönäsäbätgä iğtibar citmäwdä ğayeplärgä forsat birde. Bush isä bu säfäre belän, Amerikanın başqa illären onıtmawın kürsätergä tırışıp şul uq waqıtta töbäk öçen küp millionlagan yärdem programıñ iğlan itte. Ä gomumän alganda älegä säfärne uñışlı dip äytip bulamı?

Bushnıñ, AQŞ -tan könyaqta yatqan Latin Amerikasına säfäre belän härkem qanäğat dip äytep bulmiy şul älbättä.

Amerika prezidentı qaysı ilgä barmasın, barsında da, anı protest cıyınnarı belän qarşıladılar. Alarnı qaysı beräwlärendä xätta köç qullanularda da buldı.

Çınnan da Washingtonğa mönäsäbät Latin amerikası illärendä ğadi tügel, Läkin Bushnıñ bu yulı 5 il citäkçeläre belän bulgan söyläşüläre nigezdä dustanä ütte.

Bushnıñ Latin Amerikası illärendäge säyäsätenä iñ naçar möğämälä ixtimal Meksikada bulgandır. 2001-nçe yılda Prezident eşenä kereşkän çaqta ul Meksikalı immigrantlar öçen imigratsie qagidälären ciñeläytü häm Meksika belän iqtisadi bäyläneşlärne bik nıq arttıru maqsatın quygan ide.

Läkin, 2001neñ 11nçe Sentäberennän soñ barsıda üzgärde. Aqyort Terrorist höcümnär ixtimalın küz aldında totıp, AQŞ çiklärendäge iminlik eşenä kübräk iğtibar itä başladı. Meksikalılar isä, bu artıq qırıslatıldı dip saniy.

Bıltır, Republikannar xäqimiätendäge Amerika Kongressi Meksika belän bulgan çikne nıgıtırga digän qarar çıgargan ide. Bu qarar, AQŞqa eş ezläp qanunsız räweşçä kergän immigrant agımıñ tuqtatu öçen eşlände. Çärşämbe köne, Meksikanıñ Merida şähärendäge oçraşudan soñ uzğan matbuğat konferentsiäsendä, ike prezident - Felipe Carderon belän George Bush arasında immigrantlar mäsäläseñdä ällä ni qarşılıqlar buluı sizelmäde. Bu turıda Bush menä närsä dide:.

Bez bu ähämiätle immigratsiä mäsäläsen qarawğa bik küp waqıt birdek. Min bu mäsäläne ‘näzberek” dip atim çönki qaysıberäwlär bu mäsäläne keşelärneñ xisläre belän uynaw öçen faydalana ala. ‘Ähämmiätle’ dip äyttem, çönki imigratsiä ölkäsendä yaxşı ber qanun buldıru ike ilneñ dä iqtisadına faydalı bulaçaq häm şul uq waqıtta ike il arasındagı imenlekne dä arttıraçaq"

Amerika illäre oyışmasındagı Bushnıñ elekke wäkele Roger Noriega fikerençä, amerikan iqtisadı eşçe immigrantlarga moxtac. Läkin bezgä, alarga ilgä kilep, küpmeder eşlägännän soñ kire illärenä qaytıp kitü yulın da açqan ber qanun kiräk, di Noriega.

Bush da näk şunı teli. Kongrestä küpçelekne täşkil itkän Demokratlar da bu mäs''äläd anıñ belän kileşä. Şulay bulgaç, prezident ul üze telägän immigratsiä modelinä ireşä ala.
XS
SM
MD
LG