Accessibility links

Кайнар хәбәр

Rässam Räşid İmaşev wafat buldı


11 mart könne Rusiä häm Tatarstan rässamnar berlege äğzası, Tatarstan häm Başqortstannıñ atqazanğan sänğät eşleklese Räşit İmaşewnıñ yöräge tibüdän tuqtadı. Ul 1939 yılnıñ 30 martında Başqortostannıñ Bişbüläk rayonınıñ Aznay awılında tuğan. Qazannıñ sänğat urta mäktäben tämamlap, Mäskäwneñ Surikov isemendäge sänğät institutına uqırğa kerä. Räşid İmaşev kiñ qırlı rässam. Äytik, ul tarixi kartinalar, kön küreş häm portret janrında da bik osta eşli ide. Şul uq waqıtta ul respublikada çığıp kilüçe küp kenä gazeta-jurnallar belän dä xezmättäşlek itte. Rässam böten ğömere buyı üz çordaşlarına maturlıq, güzällek nurı öläşte, zur sänğät dönyasında üz isemen qaldırıp kitte. Uzğan yılnıñ dekaber ayında Räşid İmaşev Aqmulla isemendäge büläkkä layıq buldı. Gölnaz Şäyxetdin

XS
SM
MD
LG