Accessibility links

дүшәмбе, 5 декабрь 2016, Казан вакыты 11:36

Başqortstan Tatar moxtariäte utırışı ütte


Ufada comğa könne Başqortstan Tatar milli-mädäni moxtariäteneñ çirattağı utırışı bulıp ütte. Anda başta moxtariätneñ uzğan ber yıldağı eşçänlegenä yomğaq yasaldı. Annan soñ kiläse atnada Qazanda ütäçäk qorıltayğa äzerlek mäsäläläre tikşerelde. Mäğlüm ki, kiläse atnada Qazanda Federal' Tatar milli-mädäni moxtariäteneñ çirattağı qorıltayı ütäçäk. Başqortstannan anda iñ zur wäkillek – 21 keşe qatnaşaçaq.

Uzğan çordağı eşçänlek näticäläre xaqında Başqortstan Tatar milli-mädäni moxtariäte räise Ramil Bignov çığış yasadı. Ul Başqortstan Tatar moxtariäten oyıştıruğa respublika xakimiätläreneñ niçek ayaq çaluları xaqında söyläde.



Bügenge köndäge BR Tatar milli-mädäni moxtariäte aldında torğan töp burıçlarnıñ berse dip Ramil Bignov tatar tele statusın xäl itüne atadı.



Kön tärtibendäge ikençe mäs'älä – Qazanda ütäçäk federal' tatar milli-mädäni moxtariäte qorıltayına wäkillär saylaw turında BR Tatar milli-mädäni moxtariäte räise urınbasarı, professor Mäcit Xucin çığışı tıñlandı. Ul qorıltayğa 21 delegat kandidaturasın täqdim itte. Däğwaçılar isemlege nıqlı tikşerelgännän soñ qorıltayğa delegatlar raslandı.

XS
SM
MD
LG