Accessibility links

дүшәмбе, 5 декабрь 2016, Казан вакыты 03:38

BMO Ğiraqqa iqtisadıy yardäm planı turında konferensiä ütkärde


Comğa kөnne New Yorkta Berläşkän Millätlär Oyışmsı Ğiraqnı totrıqlılandıru өçen yaña iqtidıy plannı ğämälgä aşıru turında xalıqara konferensiä ütkärde. Anda 90-lap ilneñ wäkile qatnaştı.

5 yıllıq bu plan uzğan turında berençe märtäbä yılnıñ yül ayında äytelde häm ul 30-nçı apreldän dä soñğa qalmıy eşli başlarğa tieş. Anıñ tөp maqsatları il üz-üzen finanlawğa küçkän çorda säyäsi häm iqtisadıy reformalar ütkärü.

Konferensiäneñ maqsatı dip Ğiraq xөkümäteneñ donor bulırğa mөmkin illärne Ğiraqqa iqtisadıy yardäm kürsätergä künderü өçen Ğiraq Kompakt dip atalğan plannı räsmi räweştä iğlan itüe ataldı.

BMO general sekretare Ban Ki Mun anda qatnaşuçılarğa BMO Ğiraqnı tөzekländerüdä yardäm itärgä äzer dide.

"Bu Compact planı Ğiraqlılarnı ildä totrıqlılıq häm iminlek urnaştıruğa ruxlandıruçı berençe kөçle häm säyäsi mөhim işarä bulır dip өmetlänäbez. Şulay uq xalıqara cämäğätçelek alarnıñ izge eşlärendä tayanıç buluın kürsätüçe kөçle işarä bulır dip өmetlänäbez" dide Mun.

Ğiraq Kompact 2006 yılnıñ ğinwarında eşli başlağan Äfğän iqtisadıy planına oxşaş.

Ğiraq vitse prezidentı, konferensiä räistäşe Ğadel Ğäbdel Mähdi Ğiraqta küptän tügel qabul itelgän hydrokarbonnar qanunı Compactnı ğämälgä aşırunıñ başlanğıç noqtası buldı dide. Ikençese Xalıqara Valyuta fondı belän tayanıç kileşüe.

Ğäbdel Mähdi donor bulırğa mөmkin illärgä xäzer Ğiraqnı tөzekländerü eşenä investitsiälär kertü өçen dөres waqıt citte dide.

"Bez bügenge konferensiä näticälärennän bik qanäğät. Bez Ğuraqnı xalıqara cämäğätçelek yardäme belän bu krizistan alıp çığırbız dip kөtäbez. Suveren, berbäm Ğiraqnı, Demokratik, federal Ğiraqnı, uñışlı Ğiraqnı, burıçlarınnan qotılğan, üze burıçqa birüçe ilne, zur mөmkinlekläre bulğan ilne" dide Ğäbdel-Mähdi.

BMO general sekretarenıñ Ğiraq өçen yaña maxsus kiñäşçese Ibrahim Ğämbärigä kөç qullanu, bäreleşlärgä çumğan ildä yaña itqisadıy proyektlarnı finanslaw qurqınıçlı tügelme digän soraw birelde.

Ğämbäri Ğiraq wäzğiätneñ iskitkeç yaxşı bulğanın kөtep tora almıy, ildä yaña iqtisadıy plannarnı tormışqa aşıru өçen imin urınnar da bar dide.

"Bez Ğiraq turındağı xalıqara plan näq menä ildäge wäzğiätne normalläşterügä yardäm itüçe mäsälälärne çişü qısasında tөzelgän dip isäplibez. Bez Ğiraq xөkümätenä iqtisadıy reforma, hyrdokarbon qanunın, investitsiälär qanunın häm 2007 yılğa tulısınça täemin itelgän burjetnı tormışqa aşıruğa yardäm itü өçen ildäge iminlek xäleneñ iskitkeç yaxşıruın kөtep tora almıybız" dide Ğämbäri.

Ğiraq Compactnıñ kiläse oçraşuı 30 aprelgä, anı räsmi räweştä ğämälgä quya başlaw kөnenä qädär ütäçäk.

Naif Aqmal
XS
SM
MD
LG