Accessibility links

җомга, 9 декабрь 2016, Казан вакыты 14:43

TU-344 oçqıçın küpläp citeşterü yunäleşendä yañalıqlar kertelä


Küptän tügel Tatarstan säwdä häm tışqı iqtisadıy xezmättäşlek ministrlığınıñ yıllıq utırışında Premyer-ministr Röstäm Miñnexanov Qazandağı oçqıçlar citeşterüçe «Gorbunov isemendäge «KAPO» şirkäte eşçänlegen tänqitläp uzğan ide. Çönki şirqät xäzer yılına 2генә oçqıç citeşterergä sälätle. Ä ixtıäc küpkä zurraq. Şunı iskä alıp bulsa kiräk, Rusiä sänäğät idäräse häm Tatarstan Xökümäte TU-344 citeşterü konsepsiäsen üzgärtergä bulğannar. Oçqıçnı cıyu proyektı 22 mart könne Rusiä sänäğät idäräse utırışında täqdim iteler dip farazlana. Gorbunov şirkäte Sovetlar Soyuzı zamanında 50 oçqıç citeşterä torğan bulğan. Tatarstan Premyer-ministrı Röstäm Miñnexanov xäzer kimendä 20не bulsa da çığaru kiräk, digän ide säwdä ministrlığı utırışında. Mäskäw küräseñ üz planın üzençä tözep quyğan. Çönki oçqıç cıyuda Qazannıñ Gorbunov şirkätennän tış, Ul'yannın “Aviastr-SP”, Taganrognıñ “Tavia” häm başqa zavodlar qatnaşır dip kötelä. “Kommersant” gazetası xäbär itüençä, TUU-344 oçqıçın küpläp çığaru buyınça yaña yunäleşne eşläw Tatarstannıñ İqtisad häm sänäğät ministrlığına yöklängän. Älege oçqıçnıñ yasawçısı-konstruktorı İğor Qolıgin üzgäreşlär berençe çiratta külämne arttıruğa bäyle dip añlata. Yäğni yılına 10нан alıp 40 tiräse TU-344 oçqıçın çığarırğa kiräk, di. Gorbunov isemendäge şirqät'neñ eşläre xörti bulu, berençe çiratta eşçelär häm aqça citmäw dip bilgelänä. Çönki oçqıçnı Qazandağı şirqat ber üze genä citeştersä, aña östämä tağın 8 meñ eşçe häm 7 milliard sum invesitsiä kiräk bulaçaq. Äytergä kiräk, Gorbunov citeşterü şirkäte xälennän kilgänçe bu yunäleştä eşlärgä tırışıp qaradı. İke yıl elek maxsus programma buldırılğan ide. Anıñ öçen Tatarstan Prezidentı Mintimer Şäymiev 30 million dollar wäğdä itte, şulay uq federal' qaznadan da aqçalar bilgeläner dip ömetländelär. “Tupolev” isemendäge cämğiät citäkçese Aleksandr Zatuçnıy isä “2015 yılğa qädär aviatsiä sänäğäten üsterü” federal' maqsatçan programması nigezendä TU-334 oçqıçı proyektın tormışqa aşıru öçen 60 million sum aqça qaralğanın äytkän ide. Läkin uzğan yılnıñ avgustında ul federal' programmadan töşerelep qalındı. Şulay itep bu yunäleş tağın aqçasız qaldı. “Gorbunov” aviatsiä şirkäte üze genä hiç yılına 40 oçqıç citeşterä almayaçaq dip täqrarlıy Mäskäw. Berläşterelgän aviatözeleş şirkäte tikşerenülärenä qarağanda, 2012 yılğa qädär Rusiä aviakompaniälärenä barlığı TU-334 isemendäge 114 oçqıç kiräk. Läkin äle bu isemdäge oçqıçnıñ qayçan küpläp citeşterä başlayaçağın Rusiä sänäğät idäräse dä, Tatarstan Xökümäte dä, başqa şirqät'lär dä äytä almıy. “Kommersant” gazetası yazuınça, 30 martqa Tatarstannıñ İqtisad häm sänäğät ministrlığı TU-344 oçqıçın tözü yunäleşendäge investsiä programmasın buldırırğa tieş.

Landış Xarrasova

XS
SM
MD
LG