Accessibility links

шимбә, 10 декабрь 2016, Казан вакыты 06:15

Qazanda “Park House” säwdä-küñel açu üzäge açıldı


Şimbä könne Qazannıñ Yaña Savin rayonında bik zur säwdä küñel açu üzäge tantanalı räweştä açıldı . “Park House”dip atalğan bu üzäk açılu tantanasında Tatarstan Prezidentı Mintimer Şäymiev tä qatnaştı.

“Park Youse”dip atalğan zur säwdä üzäge ul - Tatarstan cirendä tözelgän Rusiäneñ häm Auropanıñ ere investorlarınıñ urtaq proyektı. Bu70 meñ kv metr cirne biläp torğan säwdä üzägendä 50 meñ kv metr säwdä mäydanı eşli. Xäzerge waqıtta Volgograd, Samara , Tol''yatti, Yekaterinburg şähärlärendä tözelgän komplekslar arasında Qazandağı kompleks- mäydanı buyınça iñ zurısı. Kompleksnıñ konsepsiäsen italiäneñ “Studio Bartolli” arxitektura byurosı eşlägän. “Odak” törek kompaniäse anıñ general'' tözüçese.

“Park House” säwdä- küñel açu üzägendä törle arendatorlarnıñ kibetläre urnaşqan. .İñ zur mäydannı alman “Real” gipermarketı bili.

Alarnıñ kiştälärendä bulğan tawarlar arasında Tatarstan citeşterüçeläreneke niçä protsent alıp tora ikän digän soraw belän gipermarketnıñ direktorı Roman Polivanovqa möräcäğät ittek.

“Bezneñ kiştälärdä Tatarstanda citeşterelgän tawarlar-60% protsent yomırqa, 40% protsent söttän eşlängän tawar, 30% qoş-qort ite. Şulay uq Bögelmä farforları, ikmäk häm 20-25:% yäşelçä”.dide ul. Tatarstan kitap näşriätınıñ tawarları da tizdän bezneñ kiştärlärdä tizdän urın alaçaq” dip cawap birde ul . Çönki

Tatarstan kitap näşriätınıñ 25 millonlıq tawarları satılmıyça yata. .

Yaña Savin rayon xakimiät başlığı Timur Alibaev bu säwdä- küñel açu üzäge yaña eş urınnarı buldıra di:

Respublikada investorlarğa aqça eşläw öçen mömkinçelek tudıruın, Respublikanıñ döres sotsial'' -ekonomik kurs buldıruın kürsätä. Şulay uq bu kompleksnıñ eşçänlege yärdämendä byudjetqa kerteläçäk aqçalar Yamaşev uramı belän Musin uramı çatında cir astınnan yulnı çığu urını tözergä yärdäm itäçäk. Häm sazlıqta utırğan tuzğan toraqnı küçerergä häm parknıñ tözeleşen tämamlarğa yärdäm itäçäk. Ä şähär öçen bu üzäktä 3000 keşelek eş urını buldırıldı.” dide ul.

Ämma bu säwdä üzägendä satılırlıq tawarlarnı buldırır öçen Tatarstan Prezidentı Mintimer Şäymiev Tatarstan citeşterüçelärenä tawarnı dön''yaküläm sıyfatlı itep häm alarnıñ törelep satıluın da buldıru turında uylanırğa kiräklege turında assızıqlap äytte. Şulay itep ul üzeneñ Yıllıq yullamasında citkergän süzlären tağın ber tapqır qabatladı.

Mälikä Basıyr

XS
SM
MD
LG