Accessibility links

пәнҗешәмбе, 8 декабрь 2016, Казан вакыты 10:57

Açıq mikrofon: Sovet zamanın qaytarırğa telisezme?


- Ul waqıtlarda bik awır ide yäşäwe. Bik küp eşlädek bez. Häm tınıç itep säğät 14тә öygä qayta idek. Bügen isä kibetlär tulı rizıq, nilär genä yuq! Ämma ilebez tınıç tügel.. Şunısı ärnetä!

- Tormış üzgä ide inde anda. Ul waqıtlarda zarlanırğa urını bar ide. Xäzer berkemgä berni dä äytep bulmıy.

- Sovet zamanınıñ uñay häm tiskäre yaqları da bar ide. Awılda xalıqqa eş bar ide. Ä xäzer yuq. Şuña da yäşlär awılda qalmıy. Yäşlärgä awılda yäşärgä mömkinçelek bulsa, bik äybät bulır ide.

- Sovet zamanın bik sağınam min. Yal citsä, bez çınlap ta yal itä idek. Qaylarda ğına barmadıq! Ä xäzer? Öydän çığam disäñ dä, tuqtap qalasıñ. Qimmät böten närsä dä! Bezneñ pensiälär genä citmi monda.

- Döresen genä äytkändä, ber dä telämäs idem yañadan Sovetlar zamanında yäşärgä. Äye, ul zamannıñ uñay yaqları bar ide. Yäşlärne äxlaqi yaqtan üsterergä tırıştılar, bügen ul närsä bik yuq. Ämma şulay da xäzer mömkinçeleklär kübräk. Bigräk tä SSSRnıñ buş kibetlärendä yörise kilmi!

- Xätta keşelär dä başqa ide Sovetlar zamanında! Üz-ara yärdämläşep yäşi idelär. Xäzer, bigräk tä tatar keşeläre, bersen-berse aşarğa toralar! Annarı bez buşlay uqıdıq. Xäzer küpme aqçalar tügep uqıtabız balalarıbıznı.

- Yuq, min Sovetlar zamanın qaytarırğa ber dä telägem yuq. Bügen tormışta üz urınıñnı tabu öçen mömkinçeleklär kübäyde. Ni disäñ dä, xäzerge tormışnıñ uñay yaqları kübräk minemçä.

Al'bina Zäynulla

XS
SM
MD
LG