Accessibility links

пәнҗешәмбе, 8 декабрь 2016, Казан вакыты 21:08

Ğiraqnıñ elekke vitse prezidentı Taha Yasin Ramazan asıp üterelde.


Elekke Ğiraq prezidentı Säddamnıñ yaqın köräştäşe, vitse-prezident Taha Yasin Ramazan bügen irtän Bağdadta asıp üterelde. Ramazan ülem cäzasına xökem itelgän elekke Säddam rejimi räsmiläreneñ 4nçese ide. Ramazan, 1982 yılda Äl-Dücäil şähärçegendä 148 şığınıñ üterelüe öçen ğäyeple dip tabılıp, ülemgä xökem itelgän ide.

Moña qädär Ğiraqta, elekke xakimiät çorında qılğan ğämälläre öçen Säddam üze häm anıñ belän bergä eş itkän 2 yaqın yärdemçese Barzan Ibrahim al-Tikriti häm Äxmät Bandar asıp üterelde. Alarnı şulay cäzalawğa xalıqara cämäğätçelek qarşılıqlı mönäsäbättä buldı.

Säddamnıñ xökem urınına kilüe, muyınına baw elenep üterelüweñ kürsätkän video İnternetta kiñ taralgan ide. 15 Ginwarda isä Barzan İbrahimTikritinıñ asılu näticäsendä başı gäwdäsennän ayırılğan xäldä töşerelgän videolar da qayber keşelärdä näfrät xisläre çığardı.

Bassem Riza, Ğiraqnıñ xäzerge premier minıstrı kiñäşçese matbuğat oçraşuwında, “Xökem tiyeşleçä ütälde häm bu yulı andiy mısqıllağan köç qullanu bulmadı” dip belderde. Sişämbe irtän asıp üterelgänçe Ramazan, AQŞnıñ qaramağındagı Bağdad tönyagında urnaşqan xärbi nıgıtma törmäsendä totılğan ide.

Säddam belän bergä xökemgä tartılğan Ramazan başta gömerlek törmä cäzasına xökem itelgän ide. Läkin bu qarardañ qanäğat bulmagan şikäyät mäxkämäse, qararnı asıp üterü xökeme belän alıştırdı.

Säddam çorında cäfa kürgän ğiraqlılar, ayırım alganda şiğılär, üterüne xuplawların belderde.

Üterü cäzasın yaqlağan keşelärne Bäğdad uramnarında oçratu bik awır tügel. Üzeñ Sabah äl-qağbi itep tanıtkan ber keşe xäbärçelärgä, Ramazannıñ ğadel xökem itelgänenä ışanganıñ belderde.

Bu Mäxqämä hökümät xökümät mäxkämäse genä tügel, bu bar Ğiraq xalqı mäxkämäse. Bu nätecäle qararğa bez şatbız. Alar üzlärenä layıqlı cäzağa duçar itelde.

Qadim Cabbar isemle ikençe ber ğiraqlı, TV xäbärçelärenä, bu hökem bik köp xalıqnı tınıçlandırdı dip äytte.

Bu, Ğiraq xalığı öçen bik zur şatlıq, Taha Yassin Ramazan häm başqalar xalıqnı küp ezärlekläde. Bezne beterdelär, isän qalgannarı da äle xaman cäfa çigä.

Ramazan, 2003nçe yılnıñ Avgustında, tönyaqtagı Musıl şähärendä, ğiraqlı körd suğışçıları tarafınnañ qulga alınıp AQŞ köçlärenä tapşırılgan ide

2002nçe yılda, yäğni AQŞ Ğiraqnı basıp kerügä ber yıl qala Ramazan, Saddäm häm amerikan prezidentı Bush üz qarşılıqların üzläre saylağan qoral belän ber dueldä xäl itsen, digän täqdim yasağan ide.

1930nçı yıllar azağında igençe ğailäsendä tugan Ramadan 1956 yılda Baas partiäsenä quşılğançı ber bankta eşläde. Ul 1968 yılda bulgan häm Baasçılarnı xakimiätkä kitergän fetnädä dä qatnaşqan keşe.
XS
SM
MD
LG