Accessibility links

якшәмбе, 11 декабрь 2016, Казан вакыты 07:17

Açıq mikrofon: 15 yıl elek Tatarstanda ütkärelgän referendumnıñ sorawları nindi ide ?


-Tatarstanğa suverenitet birü mäs’äläse qaraldı. Uram buyınça azatlıq dip, baş kieme kiep yörgännären xäterlim. Häm Yuğarı Sovet binasına flag quyğannarın xäterlim.

Pensiägä çıqqan apağız. Min 1992 yılda mäktäptä uqıta idem. Anda Yel'sin kilep, Şäymievkä wäğdä birde. Menä sezgä kiräkme ireklek , wät menä anı alığız, yöz protsent itep, dip äytkänen xäterlim.

- Soraw şundıy ide: Tatarstannıñ suverenitetı qabul iteläme, ällä Tatarstan Rusiä sostavında qalırğa tieşme? digän soraw bar ide. Anda Fäwziä Bäyrämova çığış yasağan ide, Tatarstannı Rusiädän ayırırğa, dip. Ämma Mintimer Şäymiev qabul itte Tatarstannı Rusiä sostavında itep. Häm ul waqıtta bik aqıllı fiker äytkän ide.

-Ä min ul waqıtnı bötenläy xäterlämim . Çönki min bik keçkenä bulğanmın. Ämma läkin min tarix buyınça beläm , ul waqıtta Dumada bik küp bäxäslär bulğan. Çönki ul waqıtta bezneñ prezidentıbız Mintimer Şäymievneñ Tatarstannıñ başlığı bulıp küptän tügel eşli başlağan çağı bula. Ul vaqıtta Tatarstanğa suverenitet birergäme , ällä Tatarstannı Rusiä sostavında qaldırırğamı?- digän soraw torğan. Yelsin, minemçä, qarşı bulğan şikelle ul waqıtta.

-Yel'sin äytkän ide: “Berite suvereniteta stol'ko , skol'ko proglotite” dip.

-Sovetlar Soyuzı kiräkme, yuqmı ? Tatarstanda suverenitet kiräkme yuqmı?-digän soraw xäteremdä qaldı.

- Xäzer bit inde 15 yıl waqıt uzğan , xäterlämim.

- Suverenitet turında ikänen beläm , ä nindi sorawlar quyılğanın xäterlämim.

-Min ul waqıtta Çallıda yäşi idem, eşem bik qatlawlı ide, cämäğät eşläre belän qızıqsınmıy idem. Qazanğa küçep kilgäç kenä , küzem äzräk açılğaç qına, cämäğät eşlären tıñlıy başladım.

- Rusiädän ayırılıp çığarğamı, yuqmı digän soraw quyılğan ide axrısı.

Şäymiev belän Yel'sin arasında bäxäs bara ide. Min tawış birdem , çönki minem ätiem- tatar , äniem rus millätennän. Büler närsäm yuq. Bülenergä bula, tik iqtisat mäs’äläläre buyınça ğına. Ä bolay bez, barıber ber ğailä häm bezgä, bergä yäşärgä kiräk.

Mälikä Basıyr

XS
SM
MD
LG