Accessibility links

шимбә, 3 декабрь 2016, Казан вакыты 01:30

Açıq mikrofon: sez sunı qaydan eçäsez, nindi sunı xup küräsez?


- Sunı krannan eçäbez, ämma fil'tr belän qullanıp. Krannan turıdan-turı eçsäñ su bik tämsez, älbättä bolay da inde ul ällä ni üzgärmi, läkin azmı-küpme çistara inde. Ä şeşädäge sunı satıp alu öçen aqça kiräk. - Min bügenge köndä min tulay toraqta toram. Mondağı sunı eçä torğan tügel, krannan sap-sarı su ağa. Min awıl balası häm Qazanğa kilep tara başlağaç, mondağı sunı eçä almıy idem. Xäzer inde iäläştem. Qaya barasıñ? - Bez kran suın eçmibez. Ä maxsus şeşälärdäge maxsus sunı qaytartabız. Çönki kran suı tämsez, xlorlı häm döres çistartılmıy dip uylıym min. - Krannarda su bik naçar, bez su çistartqıçların qullanğan idek tä, läkin alarnıñ faydasın min kürmim. Häm şunlıqtan başta sunı qaynatam, ä annarı berniçä qat mar'lya aşa çığaram. Ä kibettän su satıp ala başlasaq, aqça citkerep bulmayaçaq. - İnde berniçä yıl däwamında bez maxsus su çistartu qullanmasın faydalanabız. Ul bik yaxşı çistarta. Ä bolay eçep qarasañ kran suınıñ üzlekläre bik naçar. - Krannan su eçkänem yuq, kiräk bulsa bez qaynatıp eçäbez. Su bik pıçraq bulğanlıqtan, ul sälämätlekkä bik nıq zıyan kiterä. - Min kran suı belän qänäğät tügel, şuña kürä min fil'tr belän qullanam, krannan su berqayçan da eçmim. - Bez Qazan keşeläre tügel. Bilgele awıldan kilep mondağı sunı eçep bulmıy. İäläşüe bik awır bulğanlıqtan, kibettän mineral' sular alıp eçäbez. Bez kran suın eçkän yuq. Ul xäzer bötenläy yanına kilep bulmıy. Sası, pıçraq, xlorlı. Gölnaz Şäyxetdin

XS
SM
MD
LG