Accessibility links

якшәмбе, 4 декабрь 2016, Казан вакыты 17:26

Çallıda xatın-qızlar cämğiäte oyıştı


Çınnan da, Çallıdağı xatın-qızlar arasınnan ayırım şäxeslärneñ milli yünäleştäge eşçänlekläre Tatarstan, Rusiä külämendä bilgele bulsa da, berläşkän oyışma - cämğiätlär turında mäglümätlär bulmadı. Döres, uzğan ğasırnıñ tuqsanınçı yıllar urtasında Qazanda oyışqan "Aq qalfaq" xatın-qızlar oyışmasınıñ ber bülege Çallıda da eşli başlağan ide. Anıñ citäkçese bulğan Süriä Usmanova Tatarstan Däwlät Şurası deputatı bulıp saylanıp, Qazanğa eşkä kitkäç, "Aq qalfaq" eşçänlege turında süzlär işetelmäde. Çallıda "Soldat anaları" komitetı buluı la mäğlüm ide. Rusiä armiäse küpmillätle bulğanğa, biredä dä küp millätle Çallı xalqı mänfägat'läre tikşerelde häm tikşerelä. Ä menä şuşı könnärdä genä şähärdä tatar xatın-qızları cämğiäte tözelü berqädär iğtibarğa layın. Şunısı da üzençälekle, älege cämğiätne oyıştıru 100гә yaqın, törle yäştäge xatın-qızlar qatnaşında, 48 nçe bistä mäçetendä ütte. Älege cıyın ni öçen mäçettä buldı, kiläçäktä nindi burıçlar quyıla? Älege çaranı oyıştıruçı Rimma Nuriäxmätova häm anıñ yärdämçese Gölnaz Gimadelislamova "Azatlıq" xäbärçesenä şuşı fikerlärne citkerdelär:

Rimma Nuriäxmätova äytüençä, cämğiätneñ iseme älegä yuq. Aprel' häm may aylarında ütäçäk cıyınnarnıñ bersendä cämğiätkä isem dä bireläçäk.

- Bu bezneñ berençe cıyılış. Mäçettä cıyılunıñ säbäbe şul, biregä bik küp xatın-qızlar kilä. Cämğiättä xatın-qıznıñ role zur. Mäkal' kiteräm: "Xatın-qız ber qulı belän bişek tirbäter, ikençe qulı belän ilne tibräter,"- dilär. Şuña kürä xatın-qızlarıbız öydä utırmasınnar ide, aktivraq bulsınnar ide. Bezneñ bügenge maqsat - näq şul aktivnı cıyu.

Ğafiulla Ğaziz, Çılla

XS
SM
MD
LG