Accessibility links

якшәмбе, 11 декабрь 2016, Казан вакыты 07:12

Amerikanıñ Guantanamo törmäsennän Rusiä keşese qaytaralaçaq


Rawil' Mingazovnıñ tuğan cirenä kire qaytarıluı xaqında Rusiäneñ saqlanu ministrı kiñäşçese, Rusiäneñ suğışta totqın bulıp, xäbärsez yuğaluçılar eşe belän şoğıllänüçe komissiä räise Vladimir Şamanov Amerika quşma ştatlarında eşlekle säfäre barışında xäbär itte. “Bügenge köndä, barlıq dokumentlar cıyılıp betmäsä dä, bezneñ kommisiädä älege mäs'älä buyınça nıqlap eş alıp barıla”-digän ul Kommersant gäciteneñ çärşämbe sanında.

İskä töşerep uzabız, Amerikanıñ bilgele, Ğuantanamo törmäsendä barlığı 8 Rusiä keşese totılğan. Alar arasında Çiläbedän Röstäm Äxmärov, Başqortostannan Rawil Gömärov häm Şamil Xadiev, Tömännän Timur İşmuratov, Qabarda-Balqardan Räsyul Kudaev Ruslan Odijev. Älege isemletä Tatarstannan da ike keşe bar – Ayrat Vaxitov häm Rawil Mingazov.Alar 2001 yılda Äfganstanda Amerika ğäskäriläre tarafınnan totqınlıqqa eläkkän. 1 yıl Qandahara törmäsendä totılğannan soñ, Qubadağı xärbi bazağa cibärgännär. 2004 yılda Rusiä xärbi oyışmaları, Rawil Mingazovtan qala barlıq totqınnarnı öylärenä qaytaruına ireşte. Ul waqıtta Rawil Mingazov sälämätlege xaqında borçılıp, üze tuğan yaqqa qaytu yulınnan baş tartqan. Rusiägä qaytqan totqınnarnı Amerika şartı buyınça Rusiä genprokuraturası tarafınnan “cinayät eşlärendä qatnaşqan, xoquqsız il çigen çığuda” ğayıplägän. Soñraq älege keşelärneñ taliplar yaqlı suğışqannı dälilläwçe faktlar bulmağaç, alarnı ğayıpsez dip irekkä çığaralar. Läkin ozaq ta ütmi 2005 yılda Timur İşmuratov belän Rawil Gömärov Tatarstannıñ Bögelmä şähärendä ğaz ütkärgeç şartlatuda ğayıplänälär. Tağın ber totqın Räsyul Kudaev 2005 yılda Nal'çik şähärenä ğisyançılarnıñ höcümendä qatnaşqan dip ğayıplängän. Bu eş buyınça mäkkämä utırışı, bıyıl cäy başlanırğa tieş. Şuşı uq törkemnän bulğan Äxmärov belän Vaxitovnı millätara nizağ barlıqqa kiterüdä ğayıpläp, alarnı “Xizb-ut-Tahir-äl-İslam” törkemeneñ Çallıdağı bülekçäse äğzaları diep ğayıplängännär. Soñraq bu ğayıpläw yalğış dip tabılıp, alarnı irekkä çığaralar.

Ğuantanamo törmäsennän qaytaçaq totqın Rawil Mingazovqa nindi cäza bireläçäge turında bügen Rusiä genprokuraturasında mäğlümat birmilär. Xoquq saqlaw orğannarında, Rawil Mingazovqa, möğayın qayçandır, qalğan 7 totqınğa birelgän kebek cäza yasalır digän fikerdä toralar.

Ğädel Galämetdinov.



XS
SM
MD
LG