Accessibility links

җомга, 2 декабрь 2016, Казан вакыты 21:04

Çallıda Alabuğa kürgäzmäse


Alabuğanıñ meñyıllığı uñayınnan oyıştırılğan kürgäzmägä, yazğı kanikul waqıtı bulğanğamı, mäktäp balaları ayıruça küp kilä. Atna başında açılğan kürgäzmä belän, yäğni, borınğı Alabuğanıñ räsemnärdäge çağılışı belän yözlärçä keşe tanışırğa ölgergän inde. Biredä Alabuğa däwlät tıyulığı häm Çallı kartinalar galereyası fondınnan alınğan räsemnär quyılğan. Quyılğan räsemnär närsäne çağıldıra, alarnıñ avtorları kemnär, bu xaqta Çallı kartinalar galereyasınıñ ölkän fänni xezmätkäre Älfiä Garipova söyli:

- "Kürgäzmägä Alabuğada yäşäwçe yäki anda yäşäp kitkän rässamnarnıñ eşläre quyıldı. Şular arasınnan R.Säläxov, Z.Minäxmätov, Andrey häm Mixail Kuznetsovlar, İğor häm Andrey Töxvatullinnar, A.Kosolapovnı atap kitärgä bula. R.Nurgaliev eşe dä iğtibarğa layıq. R.Säläxov äsärläre näkıyş' belän bäyle häm bolğar çorları istälegenä bağışlanğan."

Alabuğanıñ borınğı şähär ikänlegen "şaytan qalası", urıslar kebek äytsäk, "çertoğo gorodişe" qorılmaları da dälilli. "Şaytan qalası" üze genä dä ayırım, zur söyläşügä layıq. Şunlıqtan, älege borınğı qorılmalarğa qağılışlı räsemnärgä qısqaça ğına tuqtalabız:

- "Şaytan şähärçege"nä iğtibar birüçe rässamnar küp. B.Gil'fanovnıñ äsäre şuşı kürgäzmägä dä quyıldı. Anıñ eşe tarixi çınbarlıqnı yaqtırta dip uylıym. Tarixçılar äytüençä, "Şaytan qalası" unınçı ğasır azaqlarında tözelgän. Anıñ tözelüe islam dinen qabul itü belän bäyle digän farazlar da bar."

Çallıdağı kürgäzmägä 100дән artıq äsär quyılğan. Şular arasınnan Alabuğanı biek manaralı çirkäwläre belän surätlägän 15 läp räsem kürergä mömkin. Ä menä mäçetle Alabuğa räseme beräw genä.

Ğafiulla Ğaziz, Çallı

XS
SM
MD
LG