Accessibility links

дүшәмбе, 5 декабрь 2016, Казан вакыты 05:29

Rusiäneñ III başqala isemen Qazannan alırğa yörilär


Tübän Novgorod xakimiätläre Rusiäneñ öçençe başqalası isemen alu öçen Tatarstan belän mäxkämäläşergä cıyına. “Nezawisimaya gazeta” mäğlümatlarına qarağanda, Tübän Novgorod gubernatorınıñ urınbasarı İrina Jivixina Berlinda ütkän turistik kürgäzmädän qaytqaç şulay dip belderde. Xalıqara kürgäzmädä Qazan - Rusiäneñ öçençe başqalası digän şiğarälär quyılğan bulğan. İrina Jivixina belderüençä, Tübän Novgorodnıñ öçençe başqala isemen yörtü öçen xoquqları kübräk. Gubernator urınbasarı Novgorod xalıq sanı buyınça öçençe başqalağa tartmasa da, şähärneñ östenlekläre şaqtıy dip sanıy. İñ möhime - Tübän Novgorod İdel buyı federal' okrugınıñ başqalası. Monnan tış anıñ sänäğät häm mädäni potensialında östenlekläre bar. Xäzerge waqıtta şähärneñ administratsiä wäkilläre Tatarstan belän mäxkämäläşü öçen materiallar tuplıy, dide gubernator urınbasarı Tübän Novgorodta uzğan matbuğat oçraşuında. Qazan xakimiätläre Novgorodnıñ niätläre turında nindi fikerdä tora soñ? Şähär meriäseneñ matbuğat üzäge xezmätkäre Läzzät Xäydärov söyli: - Qazannı Rusiädä öçençe başqala digän brendnı küptän faydalanıp kiläbez. Şähärlär bu däräcäne mäxkämälärdä kürsätergä tieş tügel, ä tarixi yöze, arxitekturası, mädäniätle buluı belän, iqtisadıy köçe belän kürsätergä tieş. Tübän Novgorod öçençe başqala isemenä inde küptännän däğwä itä. İdel buyı federal' okrugınıñ elekke wäkile Sergey Kirienqo Novgorodnı üsterügä nıqlap totınğan ide. Ämma Kirienqo wazıyfasınnan kitü belän Tübän Novgorod ta öçençe şähär isemennän qolaq qaqtı, dip yaza “Nezawisimaya gazeta”. Xäzer şähär xakimiätläre bu köräşne däwam itärgä cıyına. Belgeçlär äytüençä, Qazan belän Tübän Novgorod arasında öçençe başqala iseme öçen köndäşlek yuqtan ğına kilep çıqmağan. Rusiädä öçençe şähär isemen yörtkän töbäk turistlarnı, ä şulay uq investorlarnı da cälep itä. Şulay da andıy brend öçen Tatarstannı mäxkämägä birergä Tübän Novgorodnıñ xoquqı barmı soñ? Keşe xoquqların yaqlaw waqifınıñ citäkçese Rämil Nuriev fikeren tıñlap kitik: - Tübän Novgorodnıñ moña xoquqı yuq. Ul bit qanunğa nigezlänmägän, keşelär fikere. Ägär Tübän Novgorod öçençe zur şähär bulırğa teli ikän, Tatarstan başqalası kebek dannarın çit illärdä dä belgertsen, kürsätsen. Qazannıñ uñışları däğwä beldergän şähärdän uñışları küpkä kübräk. Rusiädä genä tügel, xalıqara däräcädä dä Qazannıñ avtoritetı şaqtıy zur. Qıtay başlığınıñ Qazannı saylawı, Tatarstan iqtisatın törle illärdä täqdim itü çaraları oyıştırıluı da şunı kürsätä Al'bina Zäynulla

XS
SM
MD
LG