Accessibility links

якшәмбе, 4 декабрь 2016, Казан вакыты 15:29

Tatarstanda da Mäwlid bäyrämen bilgeläp uzalar


Mögämmäd päyğämbär bu tönne dönyağa kilgän. Yäğni Rabiğül äwwäl ayınıñ 11нче kiçendä. Bu aynı ikençe törle xalıqçan itep Mäwlid ayı dip tä yörtälär. Ğäräpçädän tärcemä itkändä Mäwlid – tuu digänne añlata. Äytergä kiräk, bu aynı Möxämmäd päyğämbär belän bäyle küp waqiğalar bulğan. Ayırım alğanda, bu ayda Möxämmät päyğambär Mädinä şähärenä kilep citkän, şulay uq bu ayda ul Xädiçägä öylängän. Ämma alar arasında päyğämbärneñ tuğan köne iñ abruylılarınnan bulıp tora. Möxämmäd Mäkkä şähärendä tuğan. Ul 63 yıl yäşäp şul uq aynıñ şul uq könendä wafat bula. Yäğni päyğämbärneñ tuuı wä ülüe ber ük könnärgä turı kilä.

Möxämmäd päyğämbärneñ tuuın soñğı yıllarda Tatarstanda da zurlap uzdıra başladılar. Bu xaqta “Qol-Şärif” mäçetennän Röstäm xäzrät Bakirov:

Kiçä Salixcan digän Karavay bistäsendä çara uzdı. Anda päyğämbär turında iskä aldılar. Qayberlär bu eşne bidğät dilär, yäğni päyğämbärdän soñ qılınğan ğamäl. Läkin bu yaxşı bidğät.

Röstäm xäzrät Bakirov äytüençä, Möxämmäd päyğämbären iskä alu ayı buyı bara, yäğni Rabiğül äwwäl ayı däwamında – 17 aprel'gä qädär. Möxämmäd päyğämbär ülep şaqtıy waqıtlar ütkännän soñ anı yaratqan, İslam dinenä ixlaslı bulğan Ärbil däwläte patşası yumartlığınnan zur aş mäclesläre äzerläp, küp xalıqnı qunaq itep, sädäqalar birüne ğädätkä kertep qaldırğan. Şuña küplär bu bäyrämdä qunaqlar çaqırıp aşlar uzdıra. Ämma anıñ başqa möselman bäyrämnärendäge kebek ayırım şartları yuq. Röstäm xäzrät Bakirov:

Bu aşqa böten keşene qabul itep, xäläl rizıqlar belän uzdıru zarur.

Qol-Şärif mäçete xezmätkäre Röstäm xäzrät Bakirov äytüençä, mäcleslärdä Möxämmäd päyğämbär turında söyläw iñ kürkäm ğädät bulıp tora. Şundıy zur kiçä şimbä könne Qazannıñ Ximiklar mädäniät sarayında da uzaçaq. Çarada mönäcätlär, cırlar, xäläl rizıq çığaruçı şirqat'lärneñ üz-üzlären täqdim itüe kötelä.

Landış Xarrasova

XS
SM
MD
LG