Accessibility links

дүшәмбе, 5 декабрь 2016, Казан вакыты 17:39

Bäläbäydä «İlham çişmäläre» bäyräme başlandı


Başqortstannıñ Bäläbäy şähärendä häm rayonında comğa könne «İlham çişmäläre» isemle töbäqära şiğriät festivale başlandı. Bıyıl ul unberençe tapqır oyıştırıla. Soñğı yıllarda matur traditsiägä äylängän bu bäyräm ike kön däwam itäçäk. Anda bıyıl da Ufadan häm Başqortstannıñ küp töbäklärennän 300 dän artıq qäläm ähelläre barğan.



Şiğriät bäyräme, här yıldağıça, Bäläbäy şähärendäge «Ural batır» isemle milli mädäniätlär üzägendä başlandı. «İlham çişmäläre»n tantanalı töstä açıp cibärgännän soñ, bäyräm qunaqları şähärdäge pedagogiä kolledjındağı zur mädäni çarağa cıyıldı. Anda, ğädättägeçä, iñ layıqlılarğa Bäläbäy şähäre häm rayonı xakimiäteneñ Fatix Kärim isemendäge premiälären tapşıru tantanası ütäçäk. “İlham çişmäläre” bäyrämeneñ bıyılğı çaraları turında Bäläbäy şähäre häm rayonı xakimiäte başlığı urınbasarı Dilbär Fätxetdinova söyli.



“Bezneñ bıyılğı bäyrämgä 300 dän artıq qaläm ähele kilde, - di ul. - Şiğriät bäyrämendä «Salawat küpere» isemle kitapnıñ isem tuyı da bula. Dürt teldä: urıs, başqort, tatar häm çuaş tellärendä icat itüçelärneñ şiğri şälkemnäre urın alğan bu kitap bıyıl tağın da maturraq häm qalınraq itep näşer itelgän.

«İlham çişmäläre» bäyräme tantanaları axırda zur ğala-konsert belän tämamlana”.











XS
SM
MD
LG