Yewropa Berlegeneñ üzenä kermägän, ämma anıñ belän çiktäş bulğan illär belän Kürşelek säyäsäte äle 2004-nçe yılda uq ğämälgä kertelä başlağan ide. Ul maqsat itep şul illär belän aralarnı, iqtisadi bäyläneşlärne alarnı Berlekkä almıy ğına yaxşırtunı quya. Bu, misal öçen, şul uq Ukraina, yä Belarus, Moldova yä Kavkaz däwlätläre, xätta öleşçä, inde äğzalıq söyläşüläre alıp barılğan Törkiägä dä qarıy.
Şuşı säyäsätkä yaña ber sulış örü öçen Yewropa Komissiäseneñ tışqı mönäsäbätlärnı bağuçı wäkile Ferrero-Waldner Yewropa Berlege illären, kürşelärenä qarata viza çikläwlären yomşartu tırışlıqların arttırırğa öndämäkçe. Ul şulay uq Yewropa Berlege bazarların kürşelärneñ malları öçen kiñräk açunı da täqdim itmäkçe.
Benita Ferrero-Waldner älege täqdimnären Yewropa Berlege tışqı eşlär ministrlarınıñ Bremendä uzaçaq oçraşuında yasarğa cıyına. Bu ministrlarnıñ räsmi bulmağan ber oçraşuı, alar anda törle mäs''älälär xaqında fiker alışırğa cıyıla. Annarı inde älege plan räsmi töstä Berlekneñ yündä ütkäreläçäk sammitında qaralaçaq.
Bremengä kitär aldınnan Brüsseldä xäbärçelär belän oçraşıp Ferrero-Waldner, minem täqdimnärne anda berkem dä bik ruxlanıp qabul itmäs, ämma Yewropa Berlege kürşelärenä beraz açıla töşmäsä, anıñ alar belän araların yaxşırtırğa tırışuları uñışlı bulmayaçaq, dip belderde:
"Partnerlarıbız belän ayırım keşelär däräcäsendä bäyläneşlär buldıru, minemçä, Kürşelek säyäsäte öçen ber lakmus qäğäze bulıp tora. Mäs''äläneñ asılı şunda - kürşelärebezgä bezneñ belän ciñelräk eş itü mömkinlegen birü kiräk. Ägär dä bez alarnı qatlawlı häm yış qına bik qıybat viza taläpläre belän üzebezdän yıraq totabız ikän, niçek inde alar üzlären bezgä yaqın toysın?" digän soraw quya Yewropa Komissiäse äğzası Benita Ferrero-Waldner.
Viza alunı ciñeläytü turında kileşügä Yewropa Berlege belän Rusiä inde ireşkän ide, xäzer näq şundıy uq eşne Ukraina häm Gruziä dä alıp bara.
Moñardan tış zur iğtibar Yewropa Berlegeneñ kürşeläre belän irekle häm açıq bazar urnaştıruğa da birelä. Benita Ferrero-Waldner xätta, şuşı Kürşelek säyäsäte nigezendä kiläçäktä irekle säwdä kiñlegen dä qorıp bulır ide, dip uylıy.
Kärim Kamal
Şuşı säyäsätkä yaña ber sulış örü öçen Yewropa Komissiäseneñ tışqı mönäsäbätlärnı bağuçı wäkile Ferrero-Waldner Yewropa Berlege illären, kürşelärenä qarata viza çikläwlären yomşartu tırışlıqların arttırırğa öndämäkçe. Ul şulay uq Yewropa Berlege bazarların kürşelärneñ malları öçen kiñräk açunı da täqdim itmäkçe.
Benita Ferrero-Waldner älege täqdimnären Yewropa Berlege tışqı eşlär ministrlarınıñ Bremendä uzaçaq oçraşuında yasarğa cıyına. Bu ministrlarnıñ räsmi bulmağan ber oçraşuı, alar anda törle mäs''älälär xaqında fiker alışırğa cıyıla. Annarı inde älege plan räsmi töstä Berlekneñ yündä ütkäreläçäk sammitında qaralaçaq.
Bremengä kitär aldınnan Brüsseldä xäbärçelär belän oçraşıp Ferrero-Waldner, minem täqdimnärne anda berkem dä bik ruxlanıp qabul itmäs, ämma Yewropa Berlege kürşelärenä beraz açıla töşmäsä, anıñ alar belän araların yaxşırtırğa tırışuları uñışlı bulmayaçaq, dip belderde:
"Partnerlarıbız belän ayırım keşelär däräcäsendä bäyläneşlär buldıru, minemçä, Kürşelek säyäsäte öçen ber lakmus qäğäze bulıp tora. Mäs''äläneñ asılı şunda - kürşelärebezgä bezneñ belän ciñelräk eş itü mömkinlegen birü kiräk. Ägär dä bez alarnı qatlawlı häm yış qına bik qıybat viza taläpläre belän üzebezdän yıraq totabız ikän, niçek inde alar üzlären bezgä yaqın toysın?" digän soraw quya Yewropa Komissiäse äğzası Benita Ferrero-Waldner.
Viza alunı ciñeläytü turında kileşügä Yewropa Berlege belän Rusiä inde ireşkän ide, xäzer näq şundıy uq eşne Ukraina häm Gruziä dä alıp bara.
Moñardan tış zur iğtibar Yewropa Berlegeneñ kürşeläre belän irekle häm açıq bazar urnaştıruğa da birelä. Benita Ferrero-Waldner xätta, şuşı Kürşelek säyäsäte nigezendä kiläçäktä irekle säwdä kiñlegen dä qorıp bulır ide, dip uylıy.
Kärim Kamal