Başqortostandıñ xalıq uyın qoraldarı milli orkestrı üzeneñ sirattağı yeñeüzären yaulanı. Äle genä Awropa häm Aziä xalıq uyın qoraldarı orkestrzarı häm ansambl'däreneñ Magnitogorsk qalahında uzğan I xalıqara festival'-bäygehendä qatnaşıp, Başqortostan sängätkärzäre bik uñışlı sığış yahanı häm büläktär aldı.
Magnitogorsk qalahındağı xalıqara mäzäni sarala 40 tan aşıu sänğat kollektivı kös hınaşqan. Şular arahında Başqortostandıñ Ramil Ğayzullin yetäkselegendäge Xalıq uyın qoraldarı milli orkestrı Gran-prinı yaulanı. Ä orkestr esendäge quraysılar ansamble berense urındı aldı. Başqortostandıñ xalıq artistarı bayansı Redik Fäsxetdinov, quraysı Ramil Gäyzullin, skripkası İlşat Möslimov, şulay uq dirijerzar – Başqortostandıñ atqazanğan mäzäniät xezmätkäre Röstäm Äxmätyänov menän Lenar Däülätbaev, yuğarı başqarıw ostalığı ösön, maxsus diplomdar menän dä büläklände.
Ufağa qaytıp töşkäs, BR Xalıq uyın qoraldarı milli orkestrı yetäksehe, Başqortostandıñ xalıq artistı, küp törlö xalıqara häm Rusiä külämendäge bäygelärzä yeñeüse Ramil Gäyzullin menä osraşıp höyläştek. “Bez bıl yulı la hınatmanıq. Bıltır Qazanda ütkän xalıq uyın qoraldarı orkestrzarı häm ansambl'däreneñ Bötenrusiä festival'-bäygehendä I urındı yaulağaynıq, - ti Ramil äfände. - Şul yeñeü bezgä ışanıs häm därt östäne, älbittä”.
Başqortostandıñ Xalıq uyın qoraldarı milli orkestrı 5 yıl elek tözölgäyne. Ul saqta bötä Rusiälä lä uğa oqşağan orkestr yuq ine. Ramil Gäyzullin sit ildärzä ijat säfärendä bulğanda şunday sänğat kollektivtarı bulıuın kürä häm Başqortostanda la unı buldırıu maqsatın quya.
“Min yegermeläp sit ildärzä buldım. Şunda bulğanda xalıq uyın qoraldarı orkestrzarı la buluın kürep hoqlana inem, - ti Rami Gäyzullin. - 1996 yıldarzan birle şunday uq orkestrzı Başqortstanda la tözöü xıyalı menä yörönöm. 2001 yılda prezidentıybıyzğa şul xaqta ütenes menä möräjägät item. Bığa xuplaw aldım häm orkestr tözöldö. Bıltır bına orkestrzıñ 5 yıllığın bildälänek.
Uñıştar bar, törlö bäygelärzä yeñeüzär yaulaybız. Bıltır Qazandağı bötä Rusiä bäygehendä 1 nse urındı alğaynıq. Äle bına Magnitogorsk qalahında Gran-pri aldıq.
Bezzeñ orkestr unikal' bit ul. Bezzeñ orkestr qurayzar buluı menän ayırılıp tora. Dönyala başqa ber genä unday orkestr za yuq.
Bıyıl bez yubiley qısalarında baytaq mädäni saralarza qatnaşasaqbız. Mäskäwgä lä barabız. Şunan başqa töbäktärgä lä saqırıuzarıbız bar”.
Başqortostandıñ xalıq artistı, kürenekle muzıykant, Başqortostandıñ Xalıq uyın qoraldarı milli orkestrı direktorı häm sänğat yetäksehe Ramil Gäyzullin menän äñgämäne tıñlanığız.
Älege sänğat kollektivı Rusiäla berense bulıp oyoşop, başqalarğa la ez haldı. Başqortostandan huñ şunday orkestrzı Tuwala häm Buryätiäla buldırzılar. “Äle Tatarstanda la şunday uq üzensälekle häm ısın milli orkestr tözöü ösön äzerlektär alıp barıla”, - ti Ramil Gäyzullin häm ularğa uñıştar teläy.
Fänis Fätxi, Ufa
