Accessibility links

шимбә, 3 декабрь 2016, Казан вакыты 18:52

“Tatar qızı” bäygese


Bäygeçe qızlar cır-biyudä, tapqır süzdä, osta xucabikä bularaq häm säxnädä üz-üzlären matur tota belüdä köç sınaştılar. Tamaşaçılarnı Waxitov rayonı sıluı Gölnara Mullanurovanıñ moñlı tawışı, İdel buyı qızı Gölnara Xakimovanıñ iyülläre äsir itte. Häm “Tatar qızı- 2007” isemenä dä Gölnara Xakimova layıq buldı.

Mäğärif ministrlığı oyıştırğan älege bäyge tatar xalqı öçen nindi ähämiätkä iä soñ?-, digän sorawğa Azatlıq radiosında belän Tatarstannıñ xalıq cırçısı, Tatar däwlät gumanitar pedagogiä universitetı ğalime Mingol Galiev cawap birä.

“Yäşlärneñ şulay ruxi tärbiä aluları- ul çın mäğnäsendä, bütän millätlär yanında , alar rätendä matur, tärbiäle bulıp kürenüe öçen kiräk dip sanıym. Häm şuşı yuldağı eşlär, mondıy bäygeneñ uzdırıluı,bik ähämiätle.”

İrtägäse köneñne bügen uyla, dilär xalıqta. Dimäk, millätneñ kiläçäge turında da bügen qayğırtu kiräk. Yäş buınnı milli ruxta tärbiäläwdä “Tatar qızı” bäygeseneñ yoğıntısı aldağı yıllarda da bulır, dip ışanası kilä.

Elmira Gazizova

XS
SM
MD
LG