Accessibility links

якшәмбе, 4 декабрь 2016, Казан вакыты 13:18

7 aprel - Bötendönya Sälämätlek köne


Bu uñaydan 9-13 aprel'dä Mäskäwdä “Rusiä xalqınıñ sälämätlege - il üseşeneñ nigeze” digän forum ütkäreläçäk. Bu çara inde öçençe tapqır uza. Anı prezident administratsiäse, cämäğät pulatı, “Xalıq sälämätlege ligası” bergä oyıştıra. 2007 yıl forumı xaqında çärşämbedä Rusiä mäğlümat agentlıysında ütkän matbuğat oçraşuında fiker alıştılar. Matbuğat oçraşuı televizion küper räweşendä uzdı. Anda Rusiäneñ altı töbäge - Yaroslavl', Qazan, Volgograd, Rostov, Çiläbe, Novosibirski şähärläre qatnaştı. Alar Mäskäw belän televidenie aşa aralaştı.

Forumnıñ töp oyıştıruçısı, ataqlı kardioxirurg Leo Bokeriä forumnıñ prinsipların bolay dip bilgeläde:

Forumnıñ töp prinsipları - xalıqnı ruxi häm fizik yaqtan sälämätländerü eşen yuğarı däräcädä alıp baru. Älege forumnı bik ähämiätle çara dip sanıym. Anda xalıqnı sälämätländerü öçen alıp barılğan eşçänlek häm yaña plannar xaqında da fiker alışabız. Bıyılğı forum, älbättä, ilküläm proyektlarğa bağışlanaçaq. Rusiädäge demografik wäzğıätne yaxşırtu öçen dä bu proyektlar ber adım buldı, dip belderde Leo Bokeriä.

Teleküper räweşendä uzğan matbuğat oçraşuında Tatarstan dürtençe bulıp çığış yasadı. Respublikanıñ sälämätlek saqlaw ministrınıñ urınbasarı Rufina Golubewa söyläde:

Tatarstan säyäsäte ğailägä yärdäm itügä häm xalıqnı sälämätländerüdä bulğan problemalarnı xäl itügä yunälderelgän. İlküläm proektlar respublikada tulı külämdä tormışqa aşırılıp kilä. Respublika tarafınnan da tatarstanlılarğa yuğarı däräcädä meditsina yärdämen kürsätügä 2,5mlrd sum aqça bülende.

İlküläm proyektlarnı Tatarstan xalqı üze sizdeme soñ? Bez berniçä qazanlınıñ fikeren täqdim itäbez:

-Min bol'nitslarğa bik barmıym. Çönki alardan fayda yuq. Anda

gel ber daru birälär inde. Min insul't kiçergän keşe. Xälem şaqtıy awır. Ä minem äle yäşisem kilä. Daruın da üzem alırğa äzer. Yun'läp äytsennär, yazsınnar ide.

-Xastaxanälär käğäz belän tulğan bit xäzer. Qaya baram disäñ dä, su buyı xätle çiratlar. Alla saqlasın, ayağın-qulıñ sınsa da, üzeñnän bint, gips sorıylar. Bu meditsina yärdämeneñ yaxşıruımı inde? Yaxşırmadı häm yaxşırmayaçaq ta dip uylıym.

Keşelär inde meditsina yärdäme yaxşıruğa ömeten yuğalta barğanda, ilküläm proyektlar tulı köçkä tormışqa aşırıla dip äytep bulmıy.

Al'bina Zäynulla

XS
SM
MD
LG