Accessibility links

Çallı yäşläre problema kütärä


"Azatlıq" tatar yäşläreneñ çirattağı cıyını şaqtıy canlı, milli ruxta ütte digän tesir qaldırdı. Çallı drama teatrında bulğan älege çarada KamPİ, pedagogiä institutı häm kolliäte, KDU filialı studentları häm qayber tatar mäktäpläreneñ ölkän sıynıf uquçıları qatnaştı. KDU filialı studentları cıyın aldınnan "Ayanıçlı yazmış" spektaklennän, 5 minutlıq özek kürsättelär. Cıyınnı "Azatlıq" tatar yäşläre berlege räise Damir Şäyxetdin açıp cibärde häm üz çığışında şuşı fikerlärne äytte:

- "Çallıda tatar mäktäpläre, balalar baqçaları betep bara. Bu - milli yäşäyeşneñ betüe digän süz. Bolar - milli ğorurlıq bulmaw näticäse. Tatar tele qarañğı çolannan çıqtı, läkin däwlät tele bula almadı."

Damir Şäyxetdin urısça yäşäwdän baş tartıp, tatar möxite buldırğanda timer işeklärdän, cinayätlärdän qotıluğa ışanıçın belderde. Räis äytüençä, tatar yäşäyeşendä äxlaq häm ğoref-ğadätlär östenlek itärgä tieş.

"Azatlıq" berlege aktivistı İlnar Şäyxetdinov Çallıda, "Tatar mäydanın buldırırğa, törki däwlätlär belän yaqınayırğa çaqırdı. Şulay uq, Tatarstannıñ neft' häm salım aqçalarınnıñ bik zur öleşe Mäskäwgä, bıyılğı rus telen üsterü çaralarına da kitä, digän farazların citkerde."

Cıyında tatar yäşläre proyektları, milli, säyäsi üzañnı üsterü kiräklege xaqında süz küp buldı. Yäşlär monı niçek küzallıylar soñ? "Azatlıq"qa Damir Şäyxetdinov häm İlnar Şäyxetdinov birgän añlatmalar:

- Çallıda tatar yäşläre gazetasın buldıru, TV häm radioda milli temağa tapşırular oyıştıru, mäktäplär häm VUZlar arasında elemtä kiräk. Bügengä qädär tatar kinosı üsmi, mul'tfil'mnar eşlänmi. Şuşı problemalar buyınça, milli maqsatlarnı tormışqa aşıru östendä eşlärgä kiräk.

- Milli üzañnı üsterüdä tarixqa, xalıq bäxete öçen köräşkän qaharmannarğa möräcäğät itärgä kiräk."

Yäşlär cıyınında, qayda ğına bulsaq ta, tatarça söyläşik, Çallı transportında tuqtalış isemnäre tatarça da äytelsen häm şularğa oşaş täqdim - taläplär küp äytelde. 1989нчы yıllar azağında, 90нчы yıllar başında mondıy fikerlär tatar cıyınnarında ğına tügel, şähärlär häm respublika parlamentlarında da küp yañğıradı. Çallı yäşläre 15-20 yıl elek kütärelgän problemanı qabat torğızdılar. Söyläşü buyınça rezolyutsiä qabul itelde.

Ğafiulla Ğaziz, Çallı

XS
SM
MD
LG