Accessibility links

җомга, 2 декабрь 2016, Казан вакыты 21:11

Başqortstan Prezidentı yıllıq yullama belän çığa


Kiläse atna başında Başqortstan Respublikası prezidentı Mortaza Räximov xalıqqa häm parlamentqa yıllıq yullaması belän möräcäğät itäçäk. Bu xaqta atnakiç könne Prezidentnıñ matbuğat xezmäte xäbär itte.



9 aprel' könne Ufada Respublika yortında Prezident Räximov Başqortstannıñ Prezident Sovetınıñ çirattağı utırışın ütkärä. Näq menä şul utırışta Başqortstan premyer-ministrı Rafail' Baydäülätov xisap totaçaq. Başqortstan Prezidentınıñ uzğan 2006 yılğa yullamasınıñ ütäleşe yomğaqları turında söyläyäçäk Xökümät räise. Şul uq çığışında Rafail' Baydäülätov Prezidentnıñ 2007 yılğa Yullamasına qayber täqdimnären dä kertäçäk, dip kötelä.



Utırışta qatnaşuçılar da, här yıldağıça, fiker alışularda da qatnaşaçaq häm bu yılğa äzerlängän Yullamanıñ ölgesen respublika parlamentına täqdim itü mäs’äläsen qarayaçaq. Ul ölgeneñ xuplanaçağı şiksez, älbättä. Başqortstan Däwlät Cıyılışı-Qorıltaynıñ çirattağı utırışı isä 10 nçı aprel'gä ük täğäyenlängän.



Şulay itep, inde yılnıñ yartısı ütep barğanda, Başqortstanda da bıyılğa yaña burıçlar bilgelärgä waqıt citte axrı.

XS
SM
MD
LG