Accessibility links

шимбә, 10 декабрь 2016, Казан вакыты 11:55

Svetlana Kudryaşova eşe Mäskäwgä tapşırıldı


Rossiä Federal' Terkäw xezmäteneñ Başqortstan buyınça idäräseneñ elekke başlığı Svetlana Kudryaşovağa qarata açılğan cinayät eşe materialları Mäskäwgä Rusiä General' prokuraturasına tapşırıldı. Bu xaqta atnakiç könne “Azatlıq” xäbärçese belän äñgämädä Svetlana Kudryaşovanıñ advokatı Wäkil Xarisov belderde. Yaqlawçı yaq näq menä şundıy taläpne quyğan ide.

Svetlana Kudryaşova zur külämdä aqçalarnı sulğa cibärüdä ğayıplänep, 19 martta qulğa alınğan häm tikşerü bülegenä yabılğan ide. Ämma Kudryaşova xanım üzenä tağılğan ğayıplärne kisken kire qağıp, 23 martta açlıq iğlan itte häm üzenä qarata höcümne respublikanıñ yuğarı xakimiätläre başlawı xaqında belderde. Ul atağan isemnär arasında respublika prezidentı xakimiäte başlığı Radiy Xäbirov ta bar ide.

Ğayıplänüçe xanım, kiçekmästän üzen tikşerü bülegennän çığarunı häm üzenä qarata açılğan eşne Rusiä General' prokuraturasına tapşırunı taläp itte. Monı ul Başqortstan prokuraturasınıñ cirle xakimiätlärgä bäyle buluı belän bäyläp añlattı. Kudryaşovanıñ taläbe qänäğätländerelgän häm barlıq materiallar Mäskäwgä ozatılğan. “Şunnan soñ Svetlana Kudryaşova açlıq totuın tuqtattı, xäzer bez alda torğan başqa eşlärne däwam itäbez”, - di anıñ advokatı Wäkil Xarisov.

XS
SM
MD
LG