Accessibility links

шимбә, 10 декабрь 2016, Казан вакыты 23:35

Britan xärbiläre azat itelde: artında ni yata?


Bügen töştäñ soñ, İranda 2 atnadañ birle totılğan 15 Britan xärbiye Londonga qayttı. Alarnı Premier Ministır, üze çäçäklär belän qarşı aldı. Hawa alanınnañ alarnı mäxsüs boraloqlar belän, üzlären kötep torgan ğailä-tuğannarı belän oçraşır öçen Anglianıñ könyagındagı gaskäri nıgıtmaga ozattılar. Britanya häm İran arasında bargan bu säyäsi kiyerenkelek dönyada şaw-şular quptargan, neft bäyäläreñ şaqtiy arttırgan ide..

23 Martta, Tähran, 15 Britan diñgez-xärbiyeneñ röxsätsez İran sularına kirgännäre öçen qulga alıngan ide. Läkin Britan yağı bilämärenäneñ İrannıqı tügel, Ğiraqnıñ çikläre ide dip däğwä itte.

Britan Primier Ministerı Tony Blair bügen İran tarafınnañ qulga alıngan 15 Britan xärbieñ qaytuwı turında belderde. Matbugat oçraşuwında Blair, totqınnarnıñ ber nindi kileşü bulmiyça qaytarılğanıñ açıqladı.

Jurnalistlarğa, İran belän mönäsäbätläre turında Blair:

“Soñgı ber-ike atnada İran Rejime belän qızıqlı bäyläneşlär päyda buldı. Bezneñ öçen alarnı däwam itterü möhim’’ Britanya belän 13 kön däwam itkän kiyerenkelekne beterep, totqınnarnıñ azat itilüeñ iglan itkän Ahmädi Näcat çıgışı kötelmägän ber näticä ide.İran yağında şuşı 15 keşene cawapqa tartu xoquqı häm qödräte buluına basım yasap, min alay da İran xalqınıñ häm xökümäteneñ alarnı yarlıqawı häm britan xalqına alarnı azat itü täqdimen yasawı xaqında iğlan itäm",

Axmädi Näcat, 15 xärbine büläk itep kire qaytarıwı belän, ni xatle üzeneñ yaxşı niätle häm ğamälle itep kürsätsä dä, bu waqiyqağa häm anın maqsatlarına qarata başqa törle fikerlärdä barlıqqa kilä.

Küplär azat itüne, Tähranga basımnarnıñ artuwı säbäbçe buldı dip farazlana. Ä qaysı beräwlär isä, Suriä, Törkiä Ğiraq kebek tışqı köçlärneñ aradaşlıq itüweneñ faydası tigänlegenä oşana.

Şul uq waqıtta, kinätkenä totqınnarnı azat itü säbäblärennäñ berse, äsirlärne ozaq waqıtqa törmägä otırıtu öçen xökümgä tartu eşeneñ çiterekle häm xätär buluwı säbäble İran alarnı kire qaytarırğa bulğandır digän imeş-mimeşlär dä bar.

Tähranda säyäsät fännäre professorı, Sadiğ Zibakalam, İran totqınnarnı üzenä Britaniädäñ cılıraq mönäsäbätne kürgäç azat itergä bulğandır dip farazliy. "Britanya İran belän yomşağraq söyläşä başlağaç häm xörmät kürsätkäç xällär üzgärde. Ahmädi Näcat mäsäläne üz faydasına qullandı. Qararnı min qabul itäm häm min möhim keşe dip äytergä tırıştı. " Londonda urnaşqan Chatam House dip atalğan bäysez tikşerenü üzäge citäkçese Rose Marry Holiz britan xärbiläreneñ azat itülüe demokratiäneñ ciñüen kürsätte dip belderde

"Minemçä İranlılar dönyada ber kemneñ dä fiken üzgärtnmde. Alarnıñ atom programması yäki töbäktäge urını turında qaraşlar ellekkegeçä qaldı. Ämmä bu xäl kiläçäktä farsı qultugında britanlılar belän iranlılar arasında kötelmägän adımnarnıñ yasalmayaçaq dip uylarga mömkenlek birde."

Professor Zibakalam, irannıñ atom programması tiräsendäge nizaqnıñ da diplomatik yul belän çişelüenä ömet belderde.
XS
SM
MD
LG