Accessibility links

Кайнар хәбәр

Qazanda Xalıqara Kinobiü festivale bula


Sentäbrneñ 7- sennän 12- senä qadär Qazanda “Altın minbär” 3- nçe Xalıqara möselman kinosı festivale uzaçaq. Bu xaqta “Tatarkino” oyışması mödire Vladimir Batrakov belderde. Anıñ äytüençä, uzğan yıl ütkän 2- nçe festival'dä 24 il qatnaşqan bulsa, bügenge köngä inde 35 ildän wäkillär qatnaşırğa teläk beldergän. 60 tan artıq kartina cibärelgän inde. Berençe, ikençe festival'lär belän çağıştırğanda monsına cibärelgän fil'mnar küpkä köçleräk. Bu bezneñ festival'nı dönyanıñ tanuın añlata. Kinomotagrafistlar bu festival'dä qatnaşunı üzläre öçen zur däräcä itep sanıy, di “Tatarkino başlığı”.

Miña şundıy fikerlärgä dä yulığırğa turı kilde. Qayberäwlärgä, sez qatnaşırğa telämisezme, digän täqdimemä, sezneñ bu festivalegez bik yuğarı däräcädä bit. Bez barıber anda ber nindi büläk tä ala almayaçaqbız, dip äytüçelär dä bar. Bezneñ bu festival'neñ däräcäse üsä.

dide Batrakov. Uzğan yıl “Altın minbär”neñ ikençesen oyıştırğanda finanslaw problemaları da bulğan ide. Bıyıl eşlär küpkä aldan başlandı. Şuña kürä, mondıy kisken qarşılıqlar bulmastır, dip uylıybız, di ul. Oyıştıruçılar şurası: Tatarstan mädäniät ministrlığı, Qazan şähäre başlığı, Rusiä möftilär şurası, Rusiä möselmannarı mädäniät üzäge, İslam televideniäse şirkäte äle yaña ğına bu çeterekle sorawlarnı caylağannar inde. Batrakov üzeneñ räsmi belderüe waqıtında, “Altın minbär” “Kinotavr” däräcäsenä kütärelde, dide. Annan, bu ike festival'ne çağıştıru bik ük döres tä tügel, ikesen ülçäwneñ ike tälinkäsenä salıp bulmıy, dip tä östäde. Çönki bügenge köndä Rusiädä törle yünäleştäge 100-gä yaqın festival' eşläp kilä.

Şundıy festival'lärneñ berse 12-13 nçe aprel' könnärendä Qazannıñ “Mir” kinoteatrında uzaçaq. “Altın minbär” turında “Tatarkino” mödire menä şuşı festival'gä bağışlanğan matbuğat oçraşuında äytte dä inde. Xalıqara Kinobiü, yäğni Kinotanes festivaleneñ iñ yaxşı 13 äsäre Qazanlılarğa täqdim teläçäk. Qazanda bu çaranı oyıştıruçılar äytüençä, bu kinobiü äle yaña yünäleş. Rejissura belän xoreografiä berlege. Ğadi genä itep äytkändä, “Min sine yaratam” digän süzne biü, sığılmalılıq häm rejissura tele belän äytep birü. Kinobiü festivale Rusiädä berençe tapqır 2001 yılda Peterburda ütkärelgän. Bu çarağa däres birü öçen, yäğni master-klassqa biü kinosınıñ dönyaküläm ostaları da kilgän bulğan. Annan soñ kinobiü çaraları Mäskäw häm Yekaterinburda ütkärelä başlağan. İnde menä çiratta Qazan. Oyıştıruçılar bu yaña janrnı Tatarstan başqalasında yäşäwçelär añlarmı, üz tierlärme, dip festival' başlanğannı kötä. Anda bit Britaniä, Fransiä, Yaña Zelandiä, Bel'giä, Sloveniä, Nigeriä rejisserları töşergän häm şulay uq Xalıqara festival'lärdä büläkkä iä bulğan äsärlär kürsäteläçäk. Kinobiyüne quyuçılar da, festival'lärne ütkärüçelär dä bu kiläçäge bulğan yaña yünäleş dip belderä. Tel belän äytkändä aldap bula, ä gäwdäneñ biü tele ber qayçan da aldamıy, dilär alar.

Bu kinolarda siräk kenä bulsa da milli tösmerlär dä çağılıp uza. Sloveniä rejisserları fil'mnarında üzläreneñ mädäniäte tösmerlären kürsätkän ide, di

“Modern Look” biü şirkäte wäkile Aleksandra El'çaninova. Anıñ äytüençä, bu yaña janr belän Qazanda qızıqsınuçılar bulsa, alar bik teläp yärdäm qulı suzarğa äzer.

Nail Alan.

XS
SM
MD
LG