Accessibility links

пәнҗешәмбе, 8 декабрь 2016, Казан вакыты 08:58

Bäysez jurnalistlarğa qarata mäxkämä utırışı ütte<br><br>


Başqortstandağı bäysez jurnalistlar Viktor Şmakov belän Ayrat Dilmöxämätov östennän atnakiç könne çirattağı mäxkämä utırışı bulıp ütte. Anda şulay uq mäxkämäneñ kiläse utırışınıñ 2 mayda ütäçäge xaqında da äytelde. Elegräk tä xäbär itelüençä, Başqortstanda näşer itelep taratılğan bäysez “Provinsial'nıye vesti” gäzite möxärrire Viktor Şmakov östennän mäxkämä tämämlanğan kebek ide. Läkin ul yañadan başlandı.

Daimi radiotıñlauçılarıbızğa mäğlüm ki, Başqortstan oppozitsiäse wäkilläreneñ berse, räsmi terkälmägän Başqort milli frontı citäkçese Ayrat Dilmöxämätovqa qarata Ufanıñ Kirov rayonı mäxkämäse uzğan yılnıñ may ayında xökem qararı çığarğan ide. Anda Ayrat äfände Viktor Şmakov näşer itkän gäzittä ekstremizmda, respublika xakimiätlären naxaq ğayıpläwdä häm alarnı köç qullanıp bärep töşerügä çaqıruda ğayıplände. Mirovoy sud'ya Räsimä Nasıyrovanıñ qararına yaraşlı, Ayrat Dilmöxämätov şartlı räweştä ber yılğa iregennän mäxrüm itelgän ide ul çaqta. Ämma öç yıl sınaw möddäte şartı belän genä şundıy yomşaq xökem qararı çığarıluı äytelde ul qararda.

Törmä cäzası birelmäsä dä, Ayrat Dilmöxämätov ul mäxkämä qararınnan soñ da üzen bötenläy dä ğayıpsez sanawın belderde häm anı kassatsiä yulı belän kire qarawnı taläp itäçägen äytkän ide. Ul çınlap ta üz telägenä ireşte - Başqortstan Yuğarı mäxkämäse Ayrat Dilmöxämätovnıñ kassatsiä şiqayäten qänäğätländerde häm, bu eşne kire qaraw öçen, Ufanıñ Kirov rayonı mäxkämäsenä kire qaytaru turında qarar qabul itte. Bu eşne yaña sud'yalar tikşerä başlağaç, alar yañadan da Viktor Şmakovqa häm Ayrat Dilmöxämätovqa nıqlap yabırıldı häm törmä cäzası kötelüenä işaräläde.

Atnakiç könne bulğan çirattağı mäxkämä utırışı xaqında Viktor Şmakov “Azatlıq”qa äytkänçä, mäxkämä çınlap ta 2 mayda däwam itäçäk

Ufadağı bäysez jurnalist Viktor Şmakov buldı. Jurnalistlarnıñ iregen yaqlawnıñ Rusiä häm qayber xalıqara oyışmaları Viktor Şmakovqa qarşı tağın da mäxkämälär başlanuına borçılu belderep, küptän tügel berlektäge belderü dä qabul itkän ide. Ul belderüdä älege xällär Viktor Şmakov säyäsi säbäplärdän ezärleklänügä duçar itelä dip belderelde.













XS
SM
MD
LG