Accessibility links

якшәмбе, 4 декабрь 2016, Казан вакыты 09:22

Respublikanı köçle su basular kötä


Bıyıl yaz Başqortstandağı baytaq qına töbäklärdä häm Ufanıñ üzendä dä köçle su basular kötelä. Bu xaqta respublikanıñ ğädättän tış xällär ministrlıysında ütkän kiñäşmädä äytelde. Bu kiñäşmädä su basularnı iskärtü häm su basular bulğan oçraqta da zıyannı kimetü yulları tikşerelde. Söyläşügä respublikanıñ törle qotqaru xezmätläre wäkilläre çaqırılğan ide.

Kiñäşmädä äytelüençä, bıyıl Ağidel yılğasında su 9-9.5 metrgaça kütärelergä mömkin. Ä bu inde Ufanıñ baytaq qına tübändä urnaşqan töbäklären su qaplap kitäçäk digän süz. Härber xäwefle urında xäzer keşelärne aldan kisätü, añlatu eşläre alıp barıla. Şulay da qotqaruçılar komandaları härtörle xälgä äzer ikänleklären ışandıra.

Kinät su basqan urınnardan maxsus texnikada keşelärne häm yort xayvannarın, terleklären xäwefsez urınnarğa çığaru öçen mömkinleklär citärlek, dilär. Bu xaqta Ufa qotqaruçıları komandası başlığı Xäkim Nigmätcanov ta belderde.

Ağidel yılğasında qırıy-qırıylardan bozlar quzğala da başladı inde. Kiläse atna azağına boz bar kiñlegendä kitä başlar dip farazlana.

XS
SM
MD
LG