Accessibility links

Кайнар хәбәр

Başqortstannıñ tağın ber yegete armiä qorbanı


Başqortstannan xärbi xezmätkä çaqırılğan tağın ber yegetneñ ğömere özelde. Bu yulı Amur ölkäsendäge Yekaterinoslavka töbägendäge ber xärbi bülektä xezmät itüçe Andrey Sukanov atlı yegetneñ üleme xaqında xäbär itelde. Ul asılınıp ülgän. Bu xäldän soñ, xäzer ülemgä kiterep citkerü digän maddä nigezendä cinayät eşe açılğan. Başqortstan yegeteneñ faciğäle üleme tiräsendä törle imeş-mimeşlär bar. Çönki ul xezmät itkän xärbi bülek wäkilläre dä bu xaqta bik açılıp söyläp barmıy ikän.

Qayber xäbärlärgä qarağanda, Andrey Sukanov xärbi bülektän uzğan yıl azağında uq – 9 dekaberdä ük çığıp kitkän bulğan. Anıñ mäyetenä şul tirädäge Taejnıy digän awıl keşeläre yulığa. Ämma anıñ gäwdäse aydan artıq şundağı açıq yalanda yatqan digän farazlar bar. Annan soñ ğına ulın ezlägän ana keşegä ber ay ütkäç, anıñ yuğaluı turında xäbär itälär.

Bu xaqta tulıraq belü öçen, “Azatlıq” xäbärçese Başqortstan xärbi komissariatına möräcäğät itte. Ämma andağı matbuğat üzäge wäkilläre Andrey Sukanovka bäyle xällärne üzläre dä yañaraq işetüläre xaqında äyttelär. Bezgä menä şular ğına mäğlüm buldı. Andrey Sukanovka nibarı 23 kenä yäş bulğan. Öydä anı yäş xatını kötep qalğan. Tumışı belän Büzdäk rayonınnan bulğan yeget Ufa aviatsiä texnikumın tämamlağan. Armiäğa ul üz teläge belän uzğan yılnıñ may ayında kitkän häm üzeneñ kiläçäk tormışın da xärbi xezmät belän bäylärgä cıyınğan bulğan.



XS
SM
MD
LG