Accessibility links

шимбә, 3 декабрь 2016, Казан вакыты 03:25

Başqortstanda qurayçılar berlege tözelä


Başqortstanda yañadan da qurayçılar berlege tözelä. Yañadan dip äytüneñ säbäbe dä bar. Başqortstanda respublika Qurayçılar berlege 1998 yılda tözelgän ide inde. Anıñ qorıltayı bulıp, anda berlekneñ räise itep tanılğan kompozitor Ayrat Qobağoşewnı saylap quyğannar ide. Läkin, şuşı berlekne üzen aqlamıy, anıñ kiräge yuq, dip 2003 yılda yabıp quyğannar ide. Ämma respublika mädäniät türäläreneñ ul çaqtağı qararına yañadan öç yıldan artıq waqıt ütkäç, rizasızlıq belderüçelär tabıldı. Küp kenä qurayçılar bu berlekne yañadan tergezü telägen beldergäç, bu eşkä Bötendönya Başqortları qorıltayı da alınğan. Küräseñ, bu oyışmanıñ citäkçeläre respublika xakimiätlären Qurayçılar oyışmasınıñ nıq kiräk buluına ışandıra alğandır. Çönki 14 aprel'dä Ufada Qurayçılar berlegen tözü öçen cıyın ütkäreläçäge turında xäbär itelde.



6 aprel' könne Ufada şuşı cıyınğa äzerlek mäsälälären tikşergän kiñäşmä dä bulıp ütte. Anı Bötendönya Başqort qorıltayı Başqarma komitetı räise urınbasarı, tanılğan şağir Qadim Aralbay açtı häm alıp bardı. Utırışta cıyında qaralaçaq mäs'älälär buyınça fiker alışular buldı. Qurayçılar berlegeneñ yaña räisen saylaw turında da söyläştelär. Kiñäşmädän soñ jurnalistlar belän äñgämädä Qadim Aralbay Başqortstanda Qurayçılar berlege motlaq tözelergä tieş digän fikeren ütkärde.

Şulay itep kiläse atnada Başqortstanda tağın da ber oyışma - Qurayçılar berlege oyışaçaq. Tik bu waqiğadan soñ respublikadağı başqa tör muzıka qorallarında uynawçılar da üz taläplären quymasmı ikän, digän soraw tua. Ä nigä äle garmunçılar, dumbıraçılar, yä bulmasa, qubızçılar hönäri berlegen oyıştırmasqa? Läkin Qadim Aralbay äytmeşli, quray quray inde ul, garmun ğına tügel.

XS
SM
MD
LG