Accessibility links

шимбә, 10 декабрь 2016, Казан вакыты 09:56

Britannar öylärenä qaytqanda AQŞ belän İran arasında söyläşülär ixtimalı arttı


15 Britan xärbie, İran tarafınnañ azat itelde, häm alar kiçä ğailäläre belän oçraştı. Şul uq waqıtta AQŞ, İran belän söyläşülär başlanu ixtimalına işärä yasadı. AQŞ däwlät departımantı süzçese Sean MäkKormak, AQŞ däwlät sekretare Condoleeza Rice , İran tışqı eşlär minıstrı Manuçer Mottaki belän may ayında Ğiraqta bulaçaq xalıqara konferansiä waqıtında ğayre-räsmi söyläşülär bulu ixtimali turında belderde.

AQŞ Däwlät Sekretarı Kondoliza Rays, İran belän anın Ğiraqtagı role turında açıqtañ-açıq söyläşäçäk dip farazlana. Ğiraq xökümäte, oşbu söyläşülärneñ älegä qayda alıp barılaçagı belgele bulmasa da, söyläşülärgä kürşe illär belän ber rättäñ, dönya köçläre dä quşulaçaq dip açıqladı.

Uzğan atna Bäğdadta , Ğiraqnıñ kürşe illäre belän barğan oçraşuınnañ soñ, Ğiraqnıñ AQŞ ilçese, Zalmay Xalilzad İranlı häm Süriäle delegatlar belän oçraşqan ide. Bu atna şuña östäp AQŞ wäkillär pulatı räise Nansi Pelosi Süriä Prezidentı Başar äl-Äsad belän Demaşqda söyläşülär uzdırdı. Häm Pelosineñ bu oçraşuwın AQŞ prezidentı George Bush tänqiytläp çıqtı.

Xäzerge Avrupa Berlegeneñ citäkçese bulgan Germaniä, İrannıñ Britanlılarnı azat itüe, atom programması mäsäläsendä diolog aşa kileşülärne üsterergä yärdem itär dip ömetlänüen belderde.

AQŞnıñ saqlanu minsitrı, Robert Gates, Pänceşämbe kön Pentagonda, xäbärçelärgä bergän belderüendä, Tehran häm Washington arasında bulaçaq söyläşülärdä, İrannıñ soñgı azat itü mäsäläseneñ belän ber nindi dä qatnaşı bulmagannıñ äytte.

"Min, İran Prezidentı Ahmedinäcatnıñ Britan xärbiläreñ cibärüwe mäsäläse belän AQŞnıñ alga taba İran belän alıp baraçaq söyläşüläre arasında ber bäyläneş bardır dip uylamim. Min ğadi itep äyter idem, häm anı min başta da äyttem, bu nisbättäñ, diñgezçelärne kem qulga alırga quşqan da kem alarnı Tehranga kitergän, häm kem alarnıñ azat itelüenä qarar qılgan - bolar barısı da älegä bezgä belgesez bulıp qala."

Şul uq waqıtta aq yort süzçese Gordon Johndro Sişämbe kön belderüendä, Waşiñton Irannı xäzer Berläşkän Millätlärneñ uran bayutuwın tuqtatuı öçen çıgargan qararnı ğamälgä aşıru öçen yaña adım yasar dip ömetlänä dip beldergän ide.

AQŞ häm İran Mönäsäbätlärenä qısqaça küz salsaq:

· AQŞ häm başqalar İrannı Atom bombası yasarga cıyına dip ğayepli, ä İran isä atom programmadañ barı tik tabigiy köçne qullanu maqsatı buluwıñ däğwä itä.

· Ğinvardañ berle, xäzergä qadär Ğiraqtağı AQŞ köçlärenä höcüm oyıştıru belän ğayeplängän biş keşe qulga alındı.

MäkKormak, İrannıñ qulga alınğan 5 İran xärbiye xaqında kiñäşergä soraganıñ belderde. Alar iminlekkä zarar kitererlek keşelär bularaq, Ğiraq qanunları BMOnıñ imenlek şurası qararı nigezendä totıla dide Mäk Kormak. Ul şulay uq, totqınnarnı Xalıqara Qızılxaç komitetı wäkilläre dä kürep qayttı dip äytte.
XS
SM
MD
LG