Accessibility links

чәршәмбе, 7 декабрь 2016, Казан вакыты 11:41

Yuşenko qararınnan baş tartırğa ciyınmıy


Ukraina prezidentı parlamentı taratu häm yaña saylawlar iğlan itü qararınnan baş tartırğa ciyınmıy. İzge Sofiä çirkäwendä, Pasxa bäyräme uñayınnan çığış yasağanda, ul parlamentı taratu häm waqıtınnan elek saylaw ütkärü qararı qanunıy häm konstitutsiägä turı kilä, dide. Prezident, kiregä yul yuq, di. Ukrainadağı säyäsi krizis, Pasxa bäyräme waqıtında da tuqtap tormıy. Ukrainada Prezidentı xalıqnıñ yaqlawın qazanu maqsatında premyer Viktor Yanukoviç belän yarışa. Pasxa waqıtında Yuşenko Kievta berniçä çirkäwdä buldı, berse yanında ul Ukraina xalqına möräcäğät itte.

Minem qararım qanunıy häm konstitutsiägä turı kilä. Min çigenmäyäçäkmen. Min cömğiättä qarşılıq häm kierenkelek bulmas, dip garantiä birä alam. Xoquq saqlaw oyışmaları prezident qararın üti. Yaña saylawlar irekle häm ğadel bulaçaq.”

Viktor Yuşenko parlamentı taratu häm yaña saylawlar ütkärü qararın, krisiz başlanğan waqıtta, yaqınça ber atna elek çığarğan ide. Bügen Ukrainada, küplär, Yuşenkonı, 2004 yılda birgän wäğdälären üti almawda ğäyepli.

Anıñ töp köndäşe - Viktor Yanukoviç. Yaña parlament saylawların ütkärügä qarşı çaralar da anıñ citäkçelegenädä ütä. Bu qarşılıq çaralarında distä meñ keşe qatnaşa. Täwlek äylänä Kiev parlamentı binanı yanında keşe tora. Qarşılıq çaralarında qatnaşuçı Sergey, Yuşenko qararınnan baş tartqançı monda toraçaqbız di. Şulay uq uram cıyınında qantaşqan Natalia “bez konstitutsiä mäxkämäse qanunıy qarar qabul itär, aña ber kem basım yasamas, qarar säyäsi bulmas dip, ometlänäbez.”–di.

Bäyräm uñayınnan yasağan çığışında Yuşenko, köndäşe Viktor Yanukoviçnı häm anı yaqlawçılarnı zalim säyäsäten häm idärä itelgän demokratiäne tağırğa tırışuda ğäyepläde.

Yanukoviç, da bäyräm uñayınnan üz çığışın yasadı. Ul xökümätneñ internet säxifäsendä basılıp çıqtı. Anda ul Ukrainadağı säyäsi nizağ demokratiä nigezendä häm qanunıy yul belän xäl iteler, dip äytä.

Bäxäsle mäsälälär Konstitutsiä mäxkämäsendä qaralğançı ber aylap waqıt kitärgä mömkin. Rusiä, Yevopa Berlege häm Quşma Ştatlarda da, Ukrainada çıqqan säyäsi nizaqqa borçıluların belderde.
XS
SM
MD
LG