Accessibility links

шимбә, 10 декабрь 2016, Казан вакыты 19:41

Qazannıñ Baskethall sport kompleksında yal könnärendä ütkän çara


Yal könnärendä Qazandağı Basketholl sportkompleksı yanında şaqtıy cıyılğan matur-matur, zur-zur avtobuslar, bik küp qazanlılarnıñ iğtibarın cälep itte.

Andağı avtobuslar Rusiäneñ törle töbäklärennän ide. Ämma ul yal könnärendä Qazanda xokkey, basketboll, voleybol kebek sport uyınnarı ütkärelmäde. Ä 7 meñ keşe sıydırışlı zal şığrım tulı ide. Närsä qarar öçen cıyılğan ide soñ Baskethollğa şulqädär xalıq ? Häm ni öçender bu turıda ber massaküläm mäğlümat çaraları da, televideniedän dä ber mäğlümat tä bulmadı?

Basketholl zalına bu xalıqnı cıyğan firma, setevoy marketing, yäğni, keşene säwdä çeltärenä yäki, cätmägä cälep itü ısulı belän eş itkän , tawarlarnı şundıy ısul belän täqdim itä torğan “Аmwey” firması bulıp çıqtı. Basketbxollğa cıyılğan tamaşaçığa törle küñel açu programması räweşendä, üzläreneñ tawarların ber sistemalı räweştä täqdim itü bara ide. Bu sistemağa keşelärne cälep itär öçen oyışmanıñ citäkçeläre Qazandağı Basketholl binasın 2 köngä arendağa alğannnar. Här keşegä bilet bäyäse ber meñ sum.

Avtobuslar belän Rusiäneñ törle poçmaqlarınnan kilgän keşelär arasınnan berse, isemen äytüdän baş tartıp, üzeneñ eşçänlege turında söyläde.

“Monda 2 kön buyına, niçek tawarnı täqdim itep, aqça eşlärgä öyrätü bara.Rusiäneñ törle şähärlärendä şundıy tawarnı täqdim itü çarası bäyräm räweşendä yılğa ike tapqır bulıp tora. Min inde menä ikençe tapqır qatnaşam mondıy bäyrämdä. . Berençesendä qatnaşqanda yulğa aqça tülätmägännär ide. Ä tawarnı 5 meñ sumlıq alıp qaytqan idem. Xäzer tağın 5 meñ sum alıp kildem. Bu kurslarda çığış yasağan keşelärgä häm alası tawarğa aqça tülibez, - dide ul. Ä tülägän aqçanı qaplar öçen, bu eşkä başqa keşelärne cälep itärgä kiräk. 150 keşe häm annan kübräk keşe alıp kilgännärgä östenleklär birelä. Bu bäyrämdä alar kiç belän bik zatlı restoranğa çaqırılğannar,- dide ul.

Zaldağı küreneşlärgä kilsäk, anda säxnägä çıqqan härber keşene, ozaq itep qul çabıp qarşı alu oyıştırılğan ide. Çığış yasawçılarnıñ bik küp aqçalar eşläp, yuğarı däräcägä citkännäre turında da äytelde. Säxnädäge keşe üzeneñ niçek bu sistemağa kilep uñış yaulawı turında täcribäse belän urtaqlaşuı tıñlandı. Çit il muzıkası uynap tora, çit teldä yazılğan ber ük promo cırlar äyländerelä ide.

Mondıy setevoy marketing sisteması yulı belän aqça eşläwne ber 15 yıl elek Rusiädä “Gerbalayf” kompaniäse başlağan ide. Xäzer andıy oyışmalar bik kübäyep kitte. Alar turında belmägän keşe bik siräkter. Bügenge köndä kerşän-sandal, darular, çäylär belän dä şöğellängän oyışmalar bar. Alar reklamağa da moxtac tügel.

Ä bit şundıy oçraşular här yalda diärlek bulıp tora. Tatarstan respublikanıñ küpme xalqı cälep itelä. Şularnıñ arasında küpme tatar xalqı zıyanmı, faydamı kürä, üzenä “aqça eşlim” ,- dip. Ämma andıy yul belän , tiz genä küp aqça eşlim dip, mondıy eşkä cälep itelgännär, östä äytep ütkän firmalar wäğdä itkän aqçalarnı tiz genä eşli almıylar şul. Küpläre alarnıñ tawarların satıp alır öçen xätta kreditlarğa da batalar. Ämma mondıy çaralar Qazanda yal sayın diärlek bulıp tora.

Mälikä Basıyr

XS
SM
MD
LG