Accessibility links

җомга, 2 декабрь 2016, Казан вакыты 23:09

Tatarstan kitap näşriäte yañadan Samarda


Soñğı yıllarda Tol'yattida, Samarda uzdırılğan tatar çaralarına Tatarstan kitap näşriäten da çaqıru ğädätkä kerep bara. Näşriät direktorı Damir Şakirov ber maşina tatar kitapların töyep kilä dä, xalıq öyenä qapçıq- qapçıq kitap alıp kitä. Bigräk tä balalar öçen çığarılğan basmalar küp alına. Menä şul uñay belän “Tuğan tel” isemle Samara ölkä tatar cämğiäte häm Samar şähäreneñ milli- mädäni möxtäriäte Tatarstan Cömhuriäteneñ mädäniät ministrı Zilä xanım Wäliewägä räxmät xatı yulladılar:

“ Samarda uzdırılğan Näwrüz bäyrämendä bıyıl mädäni çaralarnıñ berse bulıp – kitap säwdäse oyıştıru buldı. Damir Şakirov citäklägän Tatarstan kitap näşriäte xalıqqa çatırğa ber maşina kitap töyap kilde. Bäyrämgä kilüçelärgä törledän – törle isemdä basma äsärläre täqdim itelde. Balalar öçen çığarılğan bersennän – berse matur bizäkle kitaplar yanında olısı- keçese tuqtalsa, tatar möselman kalendarin kübräk xatın – qızlar alsa, “Tatar tarixı”, “Tatar ensiklopedik süzlek” isemle qalın kitaplarğa bayıraqlar tuqtaldı. Ä menä İlham Şakirov icatına , tormışına bağışlap çığarılğan fotoal'bomnı büläkkä aldılar. Samarda tatar kitapların satu uñışlı uzdı. Täcribä şunı kürsätte. Bıyıl cäy Samarnıñ üzendä iyünneñ 23- dä ölkä Sabantuyı uzdırıla. Sabantuyğa da Tatarstan kitap näşriäte tağın ber maşina kitap töyap kiler digän ömettä qalabız.

Xörmätle Zilä xanım, Samar tatarların ruxi mirasıbız belän bayıtıp toruığız öçen oluğ räxmätlärebez”,- dielä Sämär tatar milli xäräkäte yulbaşçılarınıñ mädäniät ministrına cibärgän räxmät xatında.

Şamil Bahautdin, Samar

XS
SM
MD
LG