Accessibility links

җомга, 9 декабрь 2016, Казан вакыты 16:49

Tatarstanda awırularnıñ xoquqları yaqlanamı?


Äle küptän tügel genä Sarıtaw ölkäsendä meditsina xezmätkärläreneñ wayımsızlığı arqasında taciğa buldı. 25 yäşlek Oksananı tönlä bala tudıru yortına aşığıç yärdäm maşinası belän kiterälär. Anıñ yöklelege 25 atna häm aña bala töşü qurqınıçı yanıy. Ämma Oksananıñ üze belän pasportı häm polisı bulmaw säbäple akuşerka aña yärdäm kürsätmi, tabipqa da bu awıru xaqında äytmi. Oksana balasın öydä taba. İkençe könne anı sabıyı belän bergä yänä rayon xastaxanäsenä kiterälär. Balanıñ xäle bik awır bula häm ul şunda ülä.

Mondıy oçraqlar az tügel. Tabiplarnıñ ğam'sezlege arqasında Qazanda yäşäwçe 23 yäşlek Aliä İl'murzina wafat buldı. Aliä salqın tiderä, anıñ xäle şaqtıy awır bula. Tabip isä qıznıñ awıru tarixında ORWİ diagnozın - salqın tigän dip yaza. Ä ike-öç könnän qız ülä. Baqsañ, ul üpkä yalqınsınuı awıruın kiçergän ikän. Mondıy oçraqlarda qıznıñ äti-äniläre qayda möräcäğät itä ala soñ? Sişämbe könne Tatarstannıñ sotsial' yaqlaw ministrlıysında ütkän tügäräk östäldä dä näq şuşı xaqta söyläşü buldı. Anda respublikanıñ xoquq belgeçläre, tabiplar, iminiät şirkätläre wäkilläre qatnaştı. Bu çarada Mäskäwdän, Perm'nän kilgän qunaqlar täcribä belän urtaqlaştı.

Operatsiälärne videotasmağa yazıp baru qağidäse bulğan AQŞta tabipnıñ gäyeben raslaw awır tügel. Rusiädä isä böten ömet awıru tarixı yazılğan käğäzgä qala. Mediklar şuşı dokumentlarnı awıruğa, anıñ tuğannarına kürsätergä tieş. Faciğä bulğannan soñ keşelär dokumentlarnı alıp iminiät şirkätlärenä möräcäğät itä. Ämma küp oçraqta alar iñ berençe bulıp xoquq belgeçlärenä bara. Advokatlar alarğa mäxkämä-meditsina ekspertizasın ütkärergä äzer, tik bu tikşerüneñ bäyäse 20-25 meñ sum tora. Bilgele bulğança, küp oçraqta keşelär aqçaları bulmağanlıqtan, kire borılıp ta kitä. Şuña kürä tabiplarnıñ qayberläre üz eşenä salqın qarıy häm üzlären cawapqa tartılmabız äle dip uylıy. Tatarstanda ğına tügel, Rusiädä awırular yaqlanmağan dip äytergä bula.

Ämma böten Rusiä dä tügel. Qayber töbäklärdä awırularnıñ xoquqların yaqlawçı waqıflar oyıştırılğan. Alar meditsina yärdämen alğanda zıyan kürgän keşelärgä buşlay ekspertiza ütkärä. Bu xaqta Tatarstanda keşe xoquqları wäkile Räşit Vägıyzov söyläde:

Çınlap ta bik zur problemanı kütärdek monda. Küpme keşe ülä.. Bäysez ekspertiza uzdıruçı waqif Perm'dä bar. Ul bik effektiv eşli. Bezdä näk şundıy waqif buldırırğa niätlibez. Anıñ xalıqqa yärdäme zur bulaçaq, dip uylıym.

Räşit Vägıyzov äytüençä, Tatarstanda mondıy waqıtnı tözü öçen eşçänlek alıp barıla.

Al'bina Zäynulla

XS
SM
MD
LG