Кушма Штатлар хәзер Төньяк Кореяга үзенең төп атом корылмасын яба башлау өчен юл ачыла дип белдерде.
АКШ дәүләт департаменты сүзчесе Шин МакКормак әйтүенчә, Макау хакимиятләре Төньяк Кореяның банк хисапларында туңдырылган 25 миллион долларны азат иткән.
Төньяк Корея февраль килешүе нигезендә үзенең Йоңбьон атом реакторын яба башлау өчен башта ул акчалар кайтарылырга тиеш дигән шарт куйган иде.