Accessibility links

шимбә, 10 декабрь 2016, Казан вакыты 23:40

Çallılar Yawız İvanğa qarşı


Şimbä häm yäkşämbe könnärendä "Aq Bars" belän "Metallurg" komandaları uyının "Rossiä - sport" häm TNV kanalları kürsätte. Uyın barışında Magnitogorsk canatarları tarafınnan berniçä tapqır Yawız İvan suräte töşerelgän plakat kütärelä. Qazanda bulğan uyın Yawız İvan suräten televidenie kürsätmi. Anı barı tik canatarlar ğına kürä. Alar arasında Tatarstan prezidentı M.Şäymiev tä bula. Yawız İvan belän bulğan küreneşne "Sovetskiy Sport" gazetası da täfsilläp kütärä. 9 aprel' sanında Vitaliy Slavin:

"Aq Bars canatarları "Magnitqa"nı kömeş medal' belän qotlıybız" digän plakat kütärsä, Ural yağı 3 metrlı Yawız İvan suräten cäyelderä. Qazannnı buysındıruçınıñ sul qulında käşäkä, uñ qulında - mäçe. Şäp!- dip yaza Slavin. 10нчы aprel'dä, Qazanda televidenie kürsätmägän plakatlar Magnitogorskidan efirğa cibärelde. Tamaşaçı kürgännäre "Ne posramim İvana Groznogo." digän süzlär ide häm 1380 sanı. Zamança banner dip atalğan älege yazularnı kürgän, 38нче bistädä yäşäwçe Ägfär Gilmullin "Azatlıq" xäbärçesenä bolay dide:

"Min üzemne internatsionalist dip sanıym. Läkin sport uyınında Qazanğa Yawız İwannı qarşı quyu, urıs tarixçıları uylap çığarğan 1380нче yıllarnı iskä alu - mindä näfrät uyattı"- di, Ägfär äfände.

11нче aprel'dä Çallı TİÜe isemennän Rusiäne xokkey federatsiäsenä häm Tatarstan prezidentına möräcäğät cibärelde. TİÜ räise Räfis Kaşapov wäzğıät xaqında:

- "Moña qädär dä Mäskäwdä uzğan xokkey uyınnarında "İvan Groznıy - Xey-Xey.", "Bey tatar" dip qıçqırular buldı. Bu Rusiädä şovinizmnıñ kütärelüen kürsätä. Sportta millätçelek, faşizm çalımnarı kürenä. Urıs bulmağan xalıqlarğa qarşı näfrät tudıra torğan plakatlar, qıçqırular kübäyde. Sportnı millätçelär qulına birergä yaramıy. Alar, tora-bara Gitler şikelle xakimiätkä kilergä mömkinnär."

TİÜ cibärgän möräcğat'tä "Aldağı uyınnar aldınnan Magnitqa, plakatları öçen ğafu ütenergä tieşlär, şulay bulmağanda, "Aq Bars"nıñ uyınnan baş tartuın taläp itäbez."- digän süzlär dä bar.

Ğafiulla Ğaziz, Çallı

XS
SM
MD
LG