Accessibility links

пәнҗешәмбе, 8 декабрь 2016, Казан вакыты 03:21

Bişkäktä oppozitsiäneñ külämle qarşılıq çarası başlandı


Bişkäk üzägendä bügen meñlägän keşe ciyıldı. Qırğıstan oppozitsiäse oyıştırgan uram ciyınında Prezident Kurbanbäk Baqievnıñ wazifadan kitü taläbe quyıla. Qarşılıq çaraların oyıştıruçılar uram ciyınında 50 meñläp keşe qatnaşaçaq häm alar maqsatqa ireşkänçegä qädär däwam itäçäk dip belderä. Qırğıstan oppozitsiäseneñ bu çarası Prezident Baqiev öçen, xakimiätkä kilgänn soñ, iñ citdi sınaw bulırğa oxşıy.

11nçe april könen Qırğıstan keşeläre ömet häm qurqu tulı xislär belän kötte. Oppozitsiädäge “Berläştergän front” häm “Reformalar öçen” oppozitsion xäräkät, 50 meñläp keşe uramğa çığaşaq häm Baqievnıñ kitüen taläp itäçäk, dip belderä. Qarşılıq belderüçelär Jengish mäydananın Alatoo mäydana taba barğanda “Baqiev kit” dip qıçqırıp bardı. Alatoo mäydanında, 10 meñläp keşe “Baqievtan başqa reformalar” digän yazulıar kütärep tora ide. “Berläştergän Front” wäkilläre çığış yasıy torğan bulğan. Töne buyı biredä torırğa ciyınuçılar 100läp tirmä häm çatır qorğan ide. “Berläştergän front”qa nigez salğan elekke premyer Feliks Kulov keşelär aldında çığış yasağanda bolay dide.

“Bezneñ maqsat urtaq. Bezneñ maqsat ul - Konstitutsiägä reformalar häm waqıttınan elek prezident saylawların ütkärü. Bezneñ başqa maqsat yuq. Baqievqa häm anıñ tarafdarlarına bu oşamıy. Alar öçen xakimiättä qalu bik möhim”

Oppozitsion deputat Melis Eshimkanov, başqa 100läp keşe arasında, ütkän atnadan birle açlıq totqan keşe, uram ciyınında bulğan keşelärgä “Qaraq törmädä utırışqa tieş, ä bezneñ qaraq aq yortta utıra”, dide. Başqa oppozitsion deputat, elekke parlament başlığı Omurbek Tekebaev uram cıyınında – “bezneñ prezident süzen totmıy, şuña bez aña kit dip äytäbez”, di.

Oppozitsiä wäkilläre uramğa çığuların, Baqievnıñ wazifağa kilgändä birgän wäğdälären üti almawı belän añlata. Keşelär, elekke Prezident Askar Aqaev kitkännän soñ, citäkçe alışındı, ämma idärä itü räweşe üzğärmäde di.

Baqiev, xakimiätneñ törle tarmaqları arasında balans urnaştıruçı konstitutsiägä reformalar ütkärergä wäğdä itkän ide. Aqaev xakimiättä bulğanda, başqarma xakimiät başqa tarmaqlarğa qarağanda östenräk quyılğan ide. Ämma Bakiev, 2006 yılda, prezidentlıq mötdäte betkänçegä qädär, konstitutsiäne üzgärtergä telämäwen kürsätte.

Kierenkelekne kimetü yözennän prezident Baqiev, anıñ wäqälätlären çiklägän Konstitutsiägä tözätmälärne raslap parlamentqa cibärde. Ber kön elek, Däwlät televideniesenä çığıp, ul xalıqqa möräcäğät belän çıqtı.

“Alar üzlärenä xakimiät alırğa teli. Alar qanuni töstä saylanğan Prezidentnıñ wazifadan kitüen teli. Häm monıñ öçen bar närsägä barırğa äzer. Xakimiätne qanunsız yul belän alu, däwlät tüntäreşe startegiäse, tormışqa aşırıla.”

Baqiev, alğa taba da, wazifada qalğan oçraqta da, bu qarşılıq çaraları aña bulğan ışanıçnıñ kimüen kürsätä. Tärtip saqlawğa 4 meñläp xoquq saqlawçı cälep itelgän. Prezident qararı belän alarğa üzläre belän qoral alıp çığu röxsät itelmägän.

Bikä Timerova
XS
SM
MD
LG