Accessibility links

шимбә, 10 декабрь 2016, Казан вакыты 23:44

Başqortostan xalqı evakuatsiyäläwgä äzerlänä


Sinoptiktar aźna aźağında köslö yamğırźar kötölä, tip farazlay. Bıl yılğa-küldärźä hıu kimäleneñ dä artıuına kilteräsäk. Belgestär Pawlovqa hıuhaqlağısında hıu zapasınıñ uźğan yıldarğa qarağanda küberäk bulıuın bildäläy. Strategik yaqtan möhim obektta äle taşqınğa äźerlek tulı qeüättä bara. Nuriman rayonı xakimiäte başlığınıñ sotsial mäsälälär buyınsa urınbaśarı Rämil Şähimärźänov äyteüensä, hıu baśıu xäüefe bulğan urındarźa yäşäüselär arahında döyöm yıyılıştar ütkärelä, evakuatsiyalau urındarı bildälänä.

Respublika qotqarıusıları Beloret qalahında yuğalğan malayźı eźläüen dauam itä. Un ös yäşlek üśmer bınan ber-nisä kön elek Ağiźel yılğahında boź aśtına kitä. Qotqarıusılar ağımdıñ ıñğayına 70 metr aralıqta eźläüźär alıp barğan. Ämmä ul älegä ber nindäy źä höźömtä birmägän. Qotqarıusılarğa fäjiğä urınında hıuźıñ täränlege häm ağımdıñ köslölögö qamasaulay, tine beźgä Ğäźättän tış xäldär idaralığınıñ Belorettağı büleksähe wäkile Rämil Şähimärźänov Bögön Baymaq rayonınıñ Qaramalı yılğahında batqan 6 yäşlek qıźźıñ käüźähe tabıldı ti xäbär itä «Başwest» internet ğazetahı. Asıqlanıuınsa, qıź qustıhı menän menän yılğa buyına töşä. Dürt yäşlek malayźıñ hüźźärenä qarağanda, ul hıuğa batıp barğan apayın qotqaram tip artınan yügerä. Ämmä xäle bötöp öyönä qaytqan malay ata– äsähenä ber hüź źä öndäşmäy. Barı tik ber aź waqıt ütkändän huñ ğına ul tuğanınıñ hıuğa batıuı turahında höyläy. Bäxetheź osraqtarźıñ artıuın küź uñında totop qotqarıu xeźmättäre respubliqa xalqına yaźğı taşqın waqıtında balaların hıu buyźarına ebärmäüźären horay.

XS
SM
MD
LG