Accessibility links

Xärbi tabiptar qorallı köstärgä alınıusılar arahında narkomandar bulıuğa borsolou belderä


Narkotik matdälär qullanıuğa häm unıñ äyläneşenä qarşı torou buyınsa Xökümät qomissiyahınıñ 2007-se yıldağı täüge ultırışında Xärbi xeźmätkä saqırılıusılar arahında narqotiktar qullanıusılarźı asıqlau häm yäştärźeñ mäşğüllegen tämin iteü menän bäyle mäsälälär tikşerelde. Respubliqa Xärbi qomissarı urınbaśarı İldar Bahautdinov äyteüensä, qala häm rayon qomissariattarınıñ xärbi–tabip qomissiyaları uźğan yıl 111 meñ yarım keşene tikşergän. Ular arahında 270 egetteñ daimi narqotik qullanıuı asıqlanğan. Xärbi qomissar urınbaśarı bildäläüensä, Qorallı Köstärgä saqırılıusılar arahında narqotik häm psixotron matdälär menän mauığıusılarźı asıqlauźa qayhı ber qıyınlıqtar bar. Xärbiźär ularźı xäl iteü yuldarın xärbi–tabip komissiyaların maxsus meditsina qoramaldarı menän tämin iteüźä häm qomissiya sostawına vraç–narqoloğtarźı indereüźä kürä. Tik barıhı la finanslauğa bäyle. Oborona ministrlığında bınıñ ösön sığanaqtar qaralmağan. Feker alışqandan huñ qomissiya ağzaları bıl mäsäläne kilähe ultırıştarźıñ berehendä qaytanan qararğa kileşte. Yäş bıuın wäkildären narkotiktarźan aralau ısuldarınıñ berehe ularźıñ mäşğüllegen tämin iteü. Xalıqtı eş menän tämin iteü däülät xeźmäteneñ Başqortostan idaralığı etäksehe Timerxan Bikkinin äyteüensä, uźğan yıl bäliğ bulmağan üśmerźärźeñ yartıhı teyerlek waqıtlısa eş menän tämin itelgän. Bıyıl ularźıñ hanı tağı la küberäk bulır tip küźallana. Döyöm alğanda, Narkotik matdälär qullanıuğa häm unıñ äyläneşenä qarşı torou buyınsa Xökümät qomissiyahı räyese, Xökümät Premer–ministrı urınbaśarı Fidus Yamaltdinov bildäläüensä, bıl ölkälä ıñğay höźömtälär küźätälä. Ämmä narqomaniya keüek sotsial sirźe berlektä genä eñergä mömkin.

Rämzit Äbüläev, Öfö

XS
SM
MD
LG