Accessibility links

шимбә, 3 декабрь 2016, Казан вакыты 18:39

Çallı: tatarnıñ da ciñüläre küp bulğan


Tatarstannan cibärelgän protestlar Rusiäneñ sport häm säyäsi basmalarında urın aldı. Çallı TİÜeneñ Tatarstan prezidentına cibärgän xatın 12 aprel'dä Sovetskiy sport bastırdı. Tatarstannan bulğan protestqa sport xäbärçese K. Belyakov añlatma da birä : -Älege xat xokkey keşelärendä yılmayu ğına uyattı. Aq Bars yağınnan demarş bulu turında süz dä yuq ide. Şunısı ğäcäp sport häm anıñ atributların äle dä añlamawçılar bar ikän. Banner suğışı barlıq uyınnı bizi häm qarşı yaqnı çemetü öçen ber çara. Bu- millätara ızğış çığaru tügel. Çallıda yäşäwçe xoquq belgeçe Cämil Safiullin Azatlıqqa mondıy fikeren äytte: -Tatarstan canatarları da qul quşırıp utırmasqa tieşlär, tatarnıñ da ciñüläre küp bulğan. Şul xaqta yazular kütärergä kiräk, dide häm F.Bäyrämova yazmalarına nigezlänep, Magnitogorsk şähäreneñ 100 meñ Tatar söyage östenä salınuın iskä aldı. Milli Mäcles deputatı Faiq Taciev plakatlar suğışı uñayınnan tağın da tiränräk kerde häm Adol'f Gitler, Rusiä-Amerika mönäsäbätlärenä barıp citte. Bu uñaydan Magnitogorsk tatarları ni uylıy? Şunı belü öçen andağı tatar oyışmaları räise Nurğali Yarullinğa berniçä tapqır elemtägä çığıp qaradım. Läkin Yärullin äfände üze turı kilmäde. Ä şaltıratuğa Vitaliy Nikolayıwiç digän keşe cawap birde. Älbättä inde, aña, bulğan waqiğalarğa qarata fikeren niçek, digän sorawnı birep tormadım. Çallı, Ğafiulla Ğaziz

XS
SM
MD
LG