Accessibility links

чәршәмбе, 7 декабрь 2016, Казан вакыты 11:51

Rizasızlar marşına kilüçelärne millitsiä totqarladı


Räsmi mäğlümatlarğa qarağanda, Mäskäw millitsiäse bügen räsmi röxsät itelmägän Rizasızlar marşına qatnaşırğa kilğän 170 läp keşene totqarlağan ide. Qulğa alınuçılar arasında elekke dönya şaxmat çempionı häm oppozitsiä xäräkäte başlığı Garrİ Kasparov ta buldı. Prezident Vladimir Putinnı tänqitlägän oppozitsiä xäräkäte, çaralarınıñ maqsatı itep – xakimiätlärne ğadel häm irekle saylawlar ütkärügä çaqıru ğına ide, di. Kiçkä, qulğa alınuçılarnıñ kübese irekkä çığarıldı.

Millitisä röxsät itelmägn qarşılıq çarası başlanğançı uq 170 läp keşene qulğa alğan ide. Şul isäptän Garri Kasparovnı da. Qayseberäwlär millitsiägä qarşılıq kürsätmäde, ämma başqa beräwlär maşinalarğa ciz tayaqlar belän qıynalıp utırtıldı. Şahitlarnıñ äytüenä qarağanda, Kasparov, keşe arasında torğanda, anda jurnalistlar belän söyläşep torğanda, millitsiä tarafınnan maşinağa utırtılıp alıp kitelde.

“Azatlıq” radiosınıñ rus xezmäte xäbärçese Dmitriy Tarasenkov, millitsiäneñ “Başqa Rusiä” oppozitsiä xäräkäte wäkillären qulğa aluların da xäbär itte. Alar arasında, “Yabloko” firkäse yäşlär qanatı başlığı İlya Yaşin, “Da” xäräkäte citäkçese Maria Ğaydar, häm Rizasızlar marşında qatnaşırğa kilgän “Yabloko” firqäse berniçä aktivıstı totqarlandı.

Oppozitsiä citäkçeläreneñ berse Mixail Kasyanov, Rizasızlar marşı ütärgä tieşle Puşkin maydanına kertelmäde. Milltsiä tağın ber oppozitsiä wäkillärenä Puşkin maydanına kerergä birmäde. “Azatlıq” xäbärçese Dmitriy Tarasenkov “Uñ köçlär berlege” başlığı Nikita Belıx, Duma deputatı Vladimir Ryzkov, Puşkin maydanında kerergä tırıştı ämma ütep kerä almadı, çönki mäydan millitsiä tarafınnan äyländerep alınğan ide, dip xäbär itte.

Oppozitsiä üzeneñ çarasın Puşkin mäydannan çittäräk ber cirdä, Turgenev maydanında ütkärde.

“Başqa Rusiä” xäräkäte dä Piterburda kiñ küläm Rizasızlar marşın oyıştırırğa ciyınğan ide. Mäksäwdäge kebek, cirle xakimiätlär bu çaranı ütkärergä röxsät itmäde. Şuşı ayda, elegräk ütkärelgän Rizasılar marşı dip atalağan şundıy qarşılıq çaraları, Mäskäw, Piterbur häm Tübän Novgortta quyıp taratılğan ide.

Bikä Timerova
XS
SM
MD
LG