Accessibility links

якшәмбе, 4 декабрь 2016, Казан вакыты 00:55

Qazanda 32 yäşlek ir-at 15 qattan sikerde


Uzğan şimbäne Qazan universitetı xezmätkärläre dä, studentları da tiz genä onıta almas. Köndezge säğät berlär tiräsendä alarnıñ küz aldında binanıñ 15нче qatınnan sikergän yeget kilep töşte. Anıñ töşkän urını näq universitetqa kerä torğan basqıç östenä turı kilde. Bäxetkä kürä, kerüçelärgä häm çığuçılarğa zıyan kilmägän. Şimbä könne qorbannar sanı kübräk bulırğa mömkin ide. Bu küñelsez waqiğa turında universitetnıñ tatar bülege studentı, waqiğanıñ şahitı Gölnaz Asılgäräyewanı tıñlıyq:

Min uqırğa kilgändä, universitet yanında militsiä, aşığıç yärdäm maşinaları cıyılğan ide. Ä basqıçta mäyet yata. Min ällä berär avariä bulğan dip uyladım başta. Çönki ber maşina imgätelgän ide. Ämma soraşqaç, bu maşinanı binanıñ 15 qatınnan sikergän yeget imgätkänen beldem. Minem belän uqığan ber student östenä kilep töşä yazğan ul. Ul äytä, başta östän pıyala qoyıldı minem öskä, ä ikençe mizgeldä yanımda ğına keşe gäwdäse kilep töşte. Bik qurqınıç buldı.

32 yäşlek ir keşene bu adımğa barırğa närsä etärde? İmtixanın birä almaw da, Aq Barsnıñ çempion bulmawı da moña säbäp tügel ikän. Anıñ östenä Anton Şalabanov student ta, KDU xezmätkäre dä tügel. Ämma universitetnıñ iminlek bülege xezmätkäre Tälğät Zäyniev äytüençä, ul bu uqu yortın tämamlağan keşe häm bügengä qädär elemtälärne özmägän:

Anton KDUnıñ iqtisat bülegendä uqıp çıqqan. Ämma xäzerge waqıtta qädär ul universitet belän elemtälärne özmäde. Anıñ äni-ätise dä şuşı universitettağı professorlar, xörmätle keşelär. Şuşında 30-40 yıl däwamında eşlägännär. Ul härwaqıt alar yanına kilep yöri torğan bulğan.

Tälğät Zäyniev süzlärenä qarağanda, Anton Şalabanov universitetta bik yaxşı uqığan, armiädä bulıp qaytqan. Ämma soñğı berniçä yıl däwamında Anton psixik awıru belän intekkän. Şuşı awıru belän ul ikençe gruppa invalid bulğan. Xoquq belgeçläreneñ mäğlümatlarına qarağanda, yeget inde berniçä tapqır üzenä qul salıp qarağan. Faciğä bulğan könne Anton änise belän açulanışıp, üzenä qul salaçağın wäğdä itkän bulğan.

Al'bina Zäynulla

XS
SM
MD
LG