Accessibility links

якшәмбе, 4 декабрь 2016, Казан вакыты 15:19

"7 Yoldız" - İjawda


Bu atna azağında Qazanğa Cir şarınıñ törle töbäklärennän tatar cırçıları «7 yoldız» ikençe tatar cırı bäygesenä cıyılaçaq. Qızğanıç, älegä Udmurtiädän anda cırçılar qatnaşmıy. Ämma İjaw tamaşaçısı Tatarstan «Yaña ğasır» televideniese oyıştırğan «7 yoldız» proyektında qatnaşqan cırçılar belän oçraşu bäxetenä ireşte. Konsertta Aygöl Barieva, Liliä Xämitova, El'vira Xäyrullina, Räsim Nizamov, Zölfiä häm Cäwit Şakirovlar qatnaştı. Tamaşanı qızıqlı itep süz ostası Cäwit Şakirov alıp bardı. Konsert xalıqqa bik oşadı. Artistlarnıñ qayberäwläre Udmurtiä tatarları belän berençe genä küreşüläre ikän. Ä cırçılar üzläre İjaw tamaşaçısı xaqında nindi fikerdä häm «7 yoldız» bäygese alarğa närsä birgän.

Aygöl Barieva häm Liliä Xämitova Udmurtiädä berençe tapqır gastrol'lärdä. Tamaşaçılar belän oçraşu alarğa niçek tä`sir itkän. Aygöl Barieva belän Liliä Xämitovanı tıñlıyq.

Aygöl Barieva ««7 yoldız» proyektı bezgä üsärgä yärdäm itä», — dip beldersä, Räsim Nizamov yäşlärgä tanılğan artistlar belän bergä konsertlarda qatnaşıp, üzlären säxnädä tanıtırğa, tamaşa qılırğa mömkinlek aça dip östäde.

El'vira Xäyrullina älege proyektnı cırçılarğa härwaqıt ezlänergä, matur yaña cırlar saylap tamaşaçı qarşına çığarğa etärgeç bulıp tora dip basım yasadı. Cäwid belän Zölfiä Şakirovalar da şul fikerdä. Cäwid süzlärençä, äle yaña proyektlar da äzerlänä. Dimäk, tamaşaçılarnı yaña oçraşular kötä.

Xämidä Ğayfulina, «Azatlıq» radiosı, Udmurtiä.

XS
SM
MD
LG