,,İmmunopreparat,, predpriyatiehında tiźźän yañı vaksinalar tsexı asıla. Ğalimdar äyteüensä, bında eteştereläsäk vaksina erenle elheneüźärźe daualağanda qullanılasaq. Yañı vaksinanıñ sostavı la qat–qat tikşereüźär ütä. Bioloğik reaktorźar urın alğan laboratoriyalarźa taźalıq xököm hörä. Bında belgestär maxsus keyemdä eş itä. Tap oşonda vaksina eteştereü ösön kulturalar üśterelä. Yañı preparattı ğalimdar törlö qatmarlıqtağı bik küp sirźärgä nıqlı kärtä tip atay. Yäräxättärźän häm operatsiyalarźan huñ ğäźättä küźätelgän erenle şeştär häm elheneüźär menän köräştä bıl vaksinanıñ tiñe yuq, ti ,,İmmunopreparat,, predpriyatiehı belgestäre. Yañı preparat yarźamında şeşeüźärźe iśkärteü maqsatında operatsiya aldınan immunlaştırıu ütkärelä. Tsex etäkselege äyteüensä, belgestär yañı vaksinanı eteştereü buyınsa maxsus uqıuźar ütkän. Vaksinanı küpläp eteşterergä predpriyatie tulıhınsa äźer, ti belgestär. Tsex töźökländerelgän, bında zaman talaptarına yauap birgän yañı qorolmalar hatıp alınğan. Vaksina Mäskäüźäge standartlaştırıu häm kontrol institutında klinik tikşereüźär ütkän. Respublika ğalimdarı preparattı eteştereügä röxsät alğan. Tiźźän unı küpläp eteşterä başlau qarala.
