Accessibility links

шимбә, 10 декабрь 2016, Казан вакыты 13:53

Noğaybäklär Qazanğa kilde


Noğaybäklärneñ “Saraşlı” fol''klor ansamble başqarğan cır monnan küp ğasırlar elek tarix yomğağı urağan yazmışların çağıldıra. Ğalimnär äytüençä, Ekaterina Berençe 18 ğasırnıñ berençe yartısında Qazan artı awıllarındağı tatarlarnı çuqındırıp, xäzerge Kurgan, Çiläbe, Cayık yaqlarına küçerä. Keräşen tatarları 17 kälgä, yäğni krepost'' tözep bik ozaq yıllar däwamında qazaqstan belän Rusiä arasındağı çikneñ iminlegen tä''min itälär. “Bezneñ awıl elek “Saraşlı” dip yörtelgän. Xäzer inde Astrolenko. Awılıbıznıñ borınğı isemen yäş buınnıñ isenä töşerep toru öçen, fol''klor törkemebezne dä “Saraşlı” dip atadıq”,- di anıñ citäkçese Elizaveta İsupova. 12 yıl däwamında xalıq isemen yörtkän bu ansambl''neñ Tatarstan başqalasına 3- nçe tapqır kilüe.

Bezneñ repertuarıybıyz borınğı cırular. Äbilärdän, babaylardan menä şulay otıp yazıp cırlıybız.

di Elizaveta İsupova. Qazan keräşennäre isemennän säxnägä kütärelgän cırçı Lidiä Äxmätova, sezneñ konsertnı qararğa kilgän xalıqnıñ öçtän ikese keräşennär, dip Noğaybäk yaqlarındağı qärdäşlärenä Qazan keräşennäre xatın-qızlarınıñ baş kieme “süräkä” büläk itte.

Tamaşaçı, ğomumän, “Saraşlı” törkeme çığışın da, “Aygöl” ansambleneñ kümäk iyüllären häm cırçılarınıñ çığışın yaratıp qaradı. Bu törkemnärneñ Qazan şähärenä kilüen oyıştırğan Çiläbele Cämilä Mavrina äytüençä, säxnädä barsı da üzeşçännär ide. Yäşlär “Aygöl” törkemenä üz teläkläre belän yöri. Soñğı iñ zur quanıçları- ölkä xakimiät birgän 100 meñ sum aqçağa biyü kiemnäre tektergännär.

Çiläbe ölkäsennän kilgän millätäşlärneñ çığışın Bötendönya tatar qonğressı başqarma komitetı räise Rinat Zakirov ta qaradı.

800 urınlı zalda Çiläbe ölkäsennän kilgän cilgän millättäşlärebezne cılı qabul itüläre yuqqa ğına tügel. Tatar dönyası ul ber böten. Qayda ğına yäşäsä dä anıñ sänğäte dä, cır iyülläre dä ğomum millätebezneñ cırları häm iyülläre. Çiläbedä yäşäwçe millättäşlärebezneñ Qazanğa kilep çığış yasawı zur märtäbä dä, zur imtixan da.

İmtixan digännän, Çiläbelär aldında çınnan da zur imtixan tora. 2007 yılnıñ Federal'' Sabantuyı Çiläbedä uzaçaq.

Nail Alan

XS
SM
MD
LG