Sibayźa aynıtqısqa eläkkän irźe tuqmağan ösön ike militsioner 3-är yılğa şartlı räüeştä xököm itelgän. Ularğa bilägän vazifaların arttırğandarı ösön ğäyebe tağılğan. Şulay uq ularźan tuqmalğan İr fayźahına 15 meñ hum ştraf alınğan. Bıltır sentyabrźä Sibay qalahı aynıtqısında ike militsioner nigeźheź kileş ber irźe qulına bığau halıp tuqmağandar. Qala prokuraturahı qıynalıu xaqında iśbatlauźarźıñ eterlek bulıuına qaramaśtan aynıtqıs xeźmätkärźären aqlay. Mäxkämälä qatnaşqan däülät ğäyepläüsehe yuğarı mäxkämägä möräjäğät itä. Başqortostanda äüermändär xaqında artıq höyläp barmahalar źa, yabay militsionerźarźıñ qılıq boźouźarı asıla tora. Öfölä lä aynıtqısqa kilterelgän irźe tuqmağan ösön mäxkämä tıñlauźarı dauam itä. Xoquq haqlau orğandarı üźźäre lä watandaştarźı üź xoquqtarın belergä, öyränergä saqıra. Tik yabay xeźmätkärźärgä iśerektär totop yabıu buyınsa plan quyılğas, ular premiyahıź qalırğa telämäy, auıźınan eś sıqqan här kem quldarına eläkhä, matur eśle bülmälä qunıp sığırğa mäjbür. Žöźömtälä xoquq boźouźarźı asıqlau kürhätkestäre yıldan- yıl arta.
B.Fatqullin Öfö
