Accessibility links

сишәмбе, 6 декабрь 2016, Казан вакыты 19:04

Azatlıqqa kilgän xatlardan: Amerikağa uqırğa kitkän Dinar Nasıyrovtan


Xörmätle radio tıñlawçılar! Bezneñ Azatlıq radiosına Amerikadan xat kilep töşte. Anıñ avtorı Amerikanıñ Boston şähärendä belem aluçı Dinar Nasıyrov. Kem soñ ul Dinar Nasıyrov disägez , Ul Tatarstan xökümäte qarşındağı Sotsial' iqtisadıy tikşerenü institutınıñ analitika bülege mödire , yäş belgeç. İsegezgä töşerik äle , 2006 yılda Tatarstan xökümäte 100 million sum aqçanı grantlar formasında maxsus uqıtu öçen bülgän ide. Ul grantlarnı aluçılar arasında Amerikanıñ Boston şähärenä uqırğa kitkän Dinar Nasıyrov ta bar ide. Säfärgä kitär aldınnan Dinar Nasıyrov Azatlıq radiosına kilep, üzeneñ fikerläre , plannarı belän urtaqlaşıp kitkän ide. Bezgä bik tä qızıqlı , anıñ Amerikada yäşäwçe tatarlar belän aralaşıp yäşime ul , tügelme ikäne dä. Şuşı arada ğına ul N'yu York şähärendä bulıp qaytqan. Bügen närsälär yazğan ikän ul , sezgä tizräk uqıp işetteräsebez kilä. Azatlıq radiosına latin şriftları belän yazılğan xatında, ul bolay dip söyli. “Amerikadağı tatarlarnıñ assotsiatsiasınıñ 80 yıllığına bağışlanğan kiçäse uzdı. 250 gä yaqın keşe kilgän ide, alarnıñ arasında 200 läp tatarlar ( şunıñ yartısı qırım tatarları) buldı. Färit Ural (asssotsiatsiäneñ prezidentınıñ yärdämçese) äytüençä, monıñ xätle küp qunaq 15 yılğa berençe tapqır cıyılğan. Moña qädär 30-50 keşedän artmağan. Şul uq Färit abıy äytüençä, internet bulmasa bu yulı da küp keşe cıyıp bulmas ide (cıyılış xaqındağı mälümat häm biletlarnı satıp alu ATANY.COM saytı aşa xutlanğan ide. Restoranı häm aşamlıqları bik äybät ide. Läkin aralaşu- tanışu mömkinçelege bik bulmadı: keşelär kübesençä öställäre aldında aşap-eçep, döresen äytkändä programmanı tıñlap utırdılar. Şulay itep härber östäl üzara ğına tanışıp häm söyläşep utırdı. Yäşlär 30 keşegä yaqın ide. Şularnıñ 10-sı belän genä aralaşıp buldı. Qalğannarı belän isänläşergä dä mömkinçelek yuq ide. Dinar Nasıyrov üz xatında, Amerikada cäy urtasında uzaçaq tatar törkilärneñ tağın ber çarası turında da xäbär itä. İyünneñ 18- ndä N'yu York şähärendä Saban tuyı uzaçağı turında yaza ul. Ğädättä di ul monda bik küp tatarlar cıyıla häm köne buyı hawada bergäläp uyınnnar uynap, söyläşep utırğanğa kürä, bu waqiğa küpkä qızığraq häm berläşem uza. ATA kiçäsenä kilä almıy qalğan keşelär dä, saban tuyında isä qatnaşırğa cıyınuları turında da yaza ( minem tatar duslarımnan da, saban tuyına isä kimendä 10 kiläçäk). Bu waqiğanı, hiç qaldırıp bulmıy,- di ul …

XS
SM
MD
LG